14.09.2026 | 16:23
Փաստաբան և Հարկադիրի նախկին պաշտոնյաներ են ձերբակալվել
Ռուսաստանը դադարեցրել է ևս 64,5 միլիոն շիշ «Ջերմուկի» վաճառքը
Տնտեսություն
29.05.2026 | 10:24
«Ռոսպոտրեբնադզորը» լրացուցիչ հանձնարարել է «Честный знак» համակարգի օպերատորին դադարեցնել Ռուսաստանում «Ջերմուկ» հանքային ջրի 64,5 միլիոն շիշ խմբաքանակի վաճառքը, գրում է Կոմերսանտը։
Նշվում է, որ ջրում գերազանցվել է հիդրոկարբոնատի պարունակությունը։ Նոր խմբաքանակ արգելափակման հրամանը գործում է 2026 թվականի մայիսի 28-ից մինչև հետագա ծանուցում։
Հաղորդվում է, որ 2026 թվականի սկզբից ի վեր «Честный знак» համակարգի միջոցով սովորական խանութներում և առցանց հարթակներում շրջանառությունից հանվել է «Ջերմուկ» ջրի 38,4 միլիոն շիշ։
Մայիսի 22-ից սկսած՝ «Ռոսպոտրեբնադզոր»-ն արգելել է «Ջերմուկ» հանքային ջրի բոլոր խմբաքանակների վաճառքը։ Նշվում է, թե արտադրողը՝ Հայաստանում գործող «Ջեմրուկ Գրուպ» ՓԲԸ-ն չի պահպանել արտադրության տեխնիկական պահանջները։ Լաբորատոր վերլուծությունը, իբր, ցույց է տվել, որ ջրում գերազանցվել են քլորիդների, սուլֆատների և բիկարբոնատ իոնների թույլատրելի կոնցենտրացիաները։
Թարգմանությունը՝ Էմմա Չոբանյանի
