06.11.2026 | 11:11
Գարեգին Բ-ի և եպիսկոպոսների գործով նիստը՝ ՈՒՂԻՂ
Ռուսական ԱԹՍ-ն հարվածել է Ռումինիայում բնակելի շենքի
Քաղաքականություն
29.05.2026 | 10:53
Ռումինիայի Գալաց քաղաքում գիշերը անօդաչու թռչող սարքն ընկել է բազմաբնակարան բնակելի շենքի տանիքին։ Երկրի պաշտպանության նախարարությունը հայտարարել է, որ խոսքը ռուսական անօդաչուի մասին է, գրում է BBC-ի ռուսական ծառայությունը։
«Մայիսի 28-ի լույս 29-ի գիշերը Ռուսաստանի Դաշնությունը վերսկսել է անօդաչու թռչող սարքերով հարձակումները Ուկրաինայում՝ Ռումինիայի հետ գետային սահմանի մոտ գտնվող քաղաքացիական և ենթակառուցվածքային օբյեկտների վրա»,- ասվում է ՊՆ-ի հայտարարության մեջ։
Նշվում է, որ անօդաչուներից մեկը մտել է Ռումինիայի օդային տարածք, և Գալաց քաղաքի հարավային մասում հարվածել բնակելի շենքի տանիքին, հրդեհ է առաջացնել։ Ռումինիայի արտակարգ իրավիճակների ծառայությունների տվյալներով՝ միջադեպի հետևանքով վիրավորվել է երկու մարդ, որոնց տեղում բժշկական օգնություն է ցուցաբերվել։
Ուկրաինայի ռազմաօդային ուժերի հաղորդմամբ՝ այդ պահին Ռուսաստանն անօդաչունով զանգվածային հարձակում է իրականացրել Օդեսայի մարզի վրա (Գալացը գտնվում է մարզի մերձակայքում):
Ռումինիայի արտաքին գործերի նախարարությունը Ռուսաստանին մեղադրել է «լուրջ և անպատասխանատու սրացման» մեջ։ Գերատեսչությունը հավելել է, որ Ռումինիան տեղեկացրել է ՆԱՏՕ-ի գլխավոր քարտուղարին և «խնդրել միջոցներ ձեռնարկել անօդաչու թռչող սարքերի դեմ պայքարի միջոցների՝ Ռումինիային արագացված փոխանցման ուղղությամբ»։
Թարգմանությունը՝ Էմմա Չոբանյանի
