06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Մոսկվայում Ադրբեջանի դեսպանն ու ՌԴ ՊՆ փոխնախարարը համագործակցության հարցեր են քննարկել
Քաղաքականություն
27.05.2026 | 22:34
Ռուսաստանում Ադրբեջանի դեսպան Ռահման Մուստաֆաևը և ՌԴ պաշտպանության փոխնախարար Վասիլի Օսմակովը համագործակցության հարցեր են քննարկել, հայտնում է Ռուսաստանում Ադրբեջանի դեսպանատունը։
«Այսօր ռուսական կողմի նախաձեռնությամբ Ռուսաստանի Պաշտպանության նախարարությունում տեղի է ունեցել հանդիպում ՌԴ-ում Ադրբեջանի դեսպան Ռահման Մուստաֆաևի և Ռուսաստանի պաշտպանության փոխնախարար Վասիլի Օսմակովի միջև։ Հանդիպման ընթացքում քննարկվել են փոխադարձ հետաքրքրություն ներկայացնող հարցեր», – ասվում է հաղորդագրության մեջ։
Նշենք, որ Ադրբեջանում ՌԴ դեսպան Միխայիլ Եվդոկիմովը հայտարարել էր, որ այժմ ընթանում է Ադրբեջանի արտաքին գործերի նախարար Ջեյհուն Բայրամովի Մոսկվա այցի ամսաթվի համաձայնեցման գործընթացը։ Նա նաև նշել էր, որ սեպտեմբերին Ադրբեջանում նախատեսված է միջազգային պաշտպանական ցուցահանդես (ADEX), որին հնարավոր է Ռուսաստանի պաշտպանության նախարարի մասնակցությունը։
Թարգմանությունը՝ Էմմա Չոբանյանի
