14.09.2026 | 18:19
Փաշինյանն ու Բունդեսթագի պատվիրակությունը քննարկել են Հայաստան–Գերմանիա և Հայաստան–ԵՄ հարաբերությունները
Կալուգացի օլիգարխը, Քոչարյանը, էն բելառուսցի մեկը պետք ա բանտ նստեն, ինձ տվեք էդ մանդատը. Փաշինյան․ ՏԵՍԱՆՅՈՒԹ
Քաղաքականություն
27.05.2026 | 16:03
Քարոզարշավի 19-րդ օրը Կոտայքի մարզում գտնվող Նիկոլ Փաշինյանը ձորաղբյուրցիների հետ հանդիպման ժամանակ նրանցից մանդատ խնդրեց «Ուժեղ Հայաստան»-ի վարչապետի թեկնածու Սամվել Կարապետյանին, «Հայաստան» դաշինքի վարչապետի թեկնածու Ռոբերտ Քոչարյանին և ԲՀԿ առաջնորդ Գագիկ Ծառուկյանին «բանտ նստեցնելու համար»։
«Ես ասում եմ՝ բոլորդ ձերն անցել եք: Կալուգացի օլիգարխը, Ռոբերտ Քոչարյանը, էն բելառուսցի էն մեկը պետք ա նստեն բանտ: Ինձ տվե՛ք էդ մանդատը: Նրանք պետք ա տասնամյակներ անցկացնեն բանտում և ես ձեզնից մանդատ եմ ուզում էդ պլանը իրագործելու համար: Եվ ես ձեզ ասում եմ, նրանք Մեղրին տվողներն են: Ես ձեզ համար ապահովել եմ Հայաստանի տարածքային ամբողջականությունը և Մեղրին, Սյունիքը հարատև Հայաստանի Հանրապետության անբաժանելի մասն ա: Սրա՛ մասին ա էս ընտրությունը»։
Փաշինյանն իր ելույթում առանձին անդրադարձ կատարեց Սամվել Կարապետյանին՝ նրա մասով մեղադրանքներ հնչեցնելով։ «Կալուգացի՛, դու նստելու ես բանտում տասնամյակներով: Դու՛ նստելու ես բանտում տասնամյակներով որպես Հայաստանի պետության դեմ գործող լրտես: Եվ նաև երեխեքին մանկապարտեզից հոսանք գողանալու, դպրոցից հոսանք գողանալու, զորամասից հոսանք գողանալու համար, և քո հանցավոր խումբը, խմբակը, դուք հայտնվելու եք բանտում: Եվ ես ժողովրդից առաջին հերթին սրա համար եմ մանդատ ուզում»։
Մանրամասները՝ տեսանյութում։
Ռոզա Վարդանյան
