27.05.2026 | 15:46
Արթուր Օսիպյանի կալանավորման մասին տեղյակ ենք պահել եվրոպական կառույցներին. Տիգրան Խզմալյան․ ՏԵՍԱՆՅՈՒԹ
13 կգ մարիխուանա և «a-PVP» տեսակի թմրամիջոց․ մեղադրյալը կալանավորվել է
Հասարակություն
27.05.2026 | 13:27
Հայաստանի Հանրապետության քննչական կոմիտե-ն հայտնում է, որ բացահայտվել է առանձնապես խոշոր չափերով թմրամիջոցների ապօրինի շրջանառության դեպք։ Ըստ ՔԿ-ի՝ Ջ․Կ․-ն ձեռք է բերել և պահել շուրջ 700 հազար դոլար արժողությամբ 13 կգ մարիխուանա և «a-PVP» տեսակի թմրամիջոց, ինչպես նաև փորձել է իրացնել դրանք։ Վերջինս կալանավորվել է, գործն ուղարկվել է դատախազին։
«ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում նախաձեռնված քրեական վարույթի նախաքննության ընթացքում իրականացված վարութային և ապացուցողական գործողությունների արդյունքում պարզվել են Ջ.Կ-ի կողմից առանձնապես խոշոր չափերով թմրամիջոց իրացնելու փորձի, ինչպես նաև իրացնելու նպատակով առանձնապես խոշոր չափերով՝ 16.98 գրամ քաշով «a-PVP» տեսակի և 13 կգ քաշով «Մարիխուանա» տեսակի թմրամիջոցներ (շուրջ 700 հզր ԱՄՆ դոլար արժեքով) ձեռք բերելու և տարբեր վայրերում պահելու դեպքերի հանգամանքները։
Ջ․Կ․-ի նկատմամբ հարուցվել է հանրային քրեական հետապնդում՝ ՀՀ քրեական օրենսգրքի 44-393-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցներն ապօրինի իրացնելու փորձը) և 393-րդ հոդվածի 3-րդ մասի 2-րդ կետով (առանձնապես խոշոր չափերով թմրամիջոցների ապօրինի շրջանառությունն իրացնելու նպատակով կամ դրանք ապօրինի իրացնելը)։
Վերջինիս նկատմամբ որպես խափանման միջոց է կիրառվել կալանքը:
Ջ․Կ․-ի վերաբերյալ քրեական վարույթը մեղադրական եզրակացությամբ ուղարկվել է հսկող դատախազին»,- ասված է հաղրդագրությունում։
