«Մասկվայից կոնկրետ ասում են՝ եթե անցնի Նիկոլը, պերեվարոտ ա լինելու». նոր գաղտնալսում է հրապարակվել․ ՏԵՍԱՆՅՈՒԹ

Հակակոռուպցիոն կոմիտեի տվյալներով՝ ՌԴ-ում բիզնես գործունեություն իրականացնող անձինք, օգտագործելով արտերկիր աշխատանքի մեկնած ՀՀ քաղաքացիների նյութական կախվածությունը, նախապատրաստել են նրանց տեղափոխել Հայաստան՝ հարկադրելով մասնակցել ԱԺ ընտրություններին և քվեարկել իրենց նշած կուսակցության օգտին։

«ՀՀ հակակոռուպցիոն կոմիտեի կողմից բացահայտված ընտրական հանցագործությունների վերաբերյալ քննվող քրեական վարույթով փաստական տվյալներ են ստացվել առ այն, որ արտերկիր աշխատանքի մեկնած ՀՀ մի շարք քաղաքացիների նկատմամբ ունեցած նյութական կախվածությունն օգտագործելով Ռուսաստանի Դաշնությունում բիզնես գործունեություն իրականացնող անձինք «Ուժեղ Հայաստան» կուսակցության համակրի և այլ անձանց հետ նախապատրաստել են վերջիններին տեղափոխել Հայաստանի Հանրապետություն՝ հարկադրելով մասնակցել Ազգային ժողովի ընտրություններին և քվեարկել իրենց նշած կուսակցության օգտին։

ՀՀ հակակոռուպցիոն կոմիտեն հորդորում է բոլոր քաղաքացիներին, այդ թվում՝ արտերկրում բնակվող մեր հայրենակիցներին, խստորեն պահպանել ընտրական օրենսդրության պահանջները, բացառել ընտրողների կամքի վրա ցանկացած անօրինական ներգործություն և ձեռնպահ մնալ ընտրական գործընթացի բնականոն ընթացքը խաթարող գործողություններից։

Կոմիտեն հավաստիացնում է, որ իրականացնելու է բոլոր տեղեկությունների համակողմանի և խիստ ստուգում, ինչպես նաև ձեռնարկելու է օրենքով նախատեսված բոլոր միջոցները՝ հանցավոր արարքների լիարժեք բացահայտումն ապահովելու համար՝ անկախ դրանց կատարման վայրից և ներգրավված անձանց շրջանակից»,- ասված է հաղորդագրությունում։