24.05.2026 | 18:30
Բանակը դարձրել են պահակային, 90%-ը պահակություն է անում, լսե՞լ եք զորավարժության մասին․ Քոչարյան․ ՏԵՍԱՆՅՈւԹ
«Համերգը մնում է օրակարգում»․ Ժաննա Անդրեասյանը՝ հուլիսին SOAD-ի համերգի չեղարկման մասին
Հասարակություն
24.05.2026 | 10:37
SOAD-ի համերգի հետ կապված. մենք երկուստեք ցանկություն ունենք Հայաստանում կազմակերպել SOAD-ի համերգը և այո, քննարկել ենք այս տարվա հուլիսին Երևանում համերգ կազմակերպելու տարբերակը, ինչի մասին էլ խոսել է վարչապետը։ Այս մասին հայտարարել է ԿԳՄՍ նածարար Ժաննա Անդրեասյանը։
«Այդուհանդերձ որոշ կազմակերպչական և ժամանակային հարցեր հնարավոր չեն դարձնում հուլիսին համերգի կազմակերպումը։ Բայց համերգը մնում է օրակարգում և առաջիկայում խմբի հետ կհամաձայնեցնենք դրա անցկացման ժամկետները»,-նշել է նա։
Հիշեցնենք՝ System of a Down խմբի վոկալիստ Սերժ Թանկյանը Instagram-ի իր story բաժնում անդրադարձել է Երևանում սպասվող System of a Down խմբի համերգի մասին տեղեկությանը:
Թանկյանը գրել է․ «Այս թեմայի շուրջ, կարծես, որոշակի շփոթմունք կա։ Մենք ծրագրել էինք այս տարվա հուլիսին ելույթ ունենալ, սակայն որոշեցինք հետաձգել այն կազմակերպչական և ժամանակային խնդիրների պատճառով։ Կհայտարարենք այդ մասին, երբ համերգը վերանշանակվի»։
Ավելի վաղ վարչապետ Նիկոլ Փաշինյանը Ավան վարչական շրջանում նախընտրական քարոզարշավի ընթացքում հայտարարել էր, որ System of a Down-ը հուլիսին համերգով հանդես է գալու Երևանում։ Նրա խոսքով՝ համերգը նախատեսված էր Հանրապետության հրապարակում։
Խումբը վերջին անգամ Հայաստանում ելույթ ունեցել է 2015 թվականի ապրիլի 23-ին՝ Հանրապետության հրապարակում կայացած «Wake Up The Souls» անվանումով անվճար համերգով, որը նվիրված էր Հայոց ցեղասպանության 100-րդ տարելիցին։
