Հասարակություն
23.05.2026 | 13:07
ՀՀ ՆԳՆ կիբեռոստիկանություն-ից հայտնում են, որ շարունակվում է արտասահմանյան հեռախոսահամարներով ֆիշինգային հղումներ պարունակող հաղորդագրությունների տարածումը՝ ՀՀ ՆԳՆ-ի և պետական այլ գերատեսչությունների անունից։ Թիրախում հատկապես iPhone բջջային հեռախոսների օգտատերերն են, որոնք հաղորդագրությունները ստանում են iMessage համակարգի միջոցով։
«Դեռևս շարունակվում են արտասահմանյան հեռախոսահամարներով ՀՀ ՆԳՆ-ի և պետական այլ գերատեսչությունների անունից ֆիշինգային հղումներ պարունակող հաղորդագրությունների տարածումը։ Ներկայումս թիրախում են iPhone բջջային հեռախոսների օգտատերերը, ովքեր նման հաղորդագրությունները ստանում են iMessage համակարգի միջոցով։
Կրկին հորդորում են չարձագանքել նմանատիպ հաղորդագրություններին, չբացել կցված հղումները և չտրամադրել որևէ անձնական կամ բանկային տվյալ։
Անհրաժեշտ է անմիջապես արգելափակել և որպես Spam/Junk նշել նման հաղորդագրություններ ուղարկող հեռախոսահամարները կամ հասցեները»,- ասված է հաղորդագրությունում։
