02.07.2026 | 17:43
ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Քաղաքականություն
13.05.2026 | 23:30
ԱՄՆ Պատերազմի նախարարությունը (Պենտագոն) մայիսի 8-ին հրապարակել է անհայտ կամ չբացահայտված թռչող օբյեկտների (ՉԹՕ) հետ կապված փաստաթղթերի առաջին խումբը՝ նախագահ Դոնալդ Թրամփի պահանջով։ Հրապարակված փաստաթղթերից մեկում հիշատակվում է նաև Ադրբեջանը, գրում են ադրբեջանական լրատվամիջոցները։
1955 թվականին պատրաստված զեկույցում նշվում է, որ Բաքվի մոտ ԱՄՆ բանակի սպա Հեթուեյը տեսել է բեռնատար վագոններով երկար գնացք։ Նրա ցուցմունքի համաձայն՝ յուրաքանչյուր վագոնում եղել է դեսանտային նավ, որը կարող էր տեղափոխել զինվորների դասակ։ Այն պահպանում էին հատուկ համազգեստով տղամարդիկ։
Բաքվի երկնքում նաև ռեակտիվ ինքնաթիռ է նկատվել, սակայն անհնար է եղել որոշել տեսակը, քանի որ այն չափազանց բարձր է թռել։
Զեկույցում նաև նշվում է, որ սպաների խումբը վայրէջք է կատարել քաղաքացիական օդանավակայանում և քաղաք գնալու ճանապարհին դիտարկել մեկ այլ օդանավակայան։ «Ինտուրիստ» հյուրանոցի ուղեկցորդը նրանց ասել է, որ դա ռազմական վարժանքների համար նախատեսված օդանավակայան է։
Թարգմանությունը՝ Էմմա Չոբանյանի
