15.07.2026 | 17:26
Կանցկացվի «Գարեջրի օրեր» խորագրով ցուցահանդես-տոնավաճառ
Սերդար Քըլըչը՝ Թուրքիա-ի և ՀՀ-ի միջև երկկողմ առևտրի արգելքների վերացման մասին
Քաղաքականություն
13.05.2026 | 13:24
Հայաստանի հետ հարաբերությունների կարգավորման հարցերով Թուրքիայի հատուկ բանագնաց Սերդար Քըլըչն անդրադարձել է ՀՀ-ի հետ երկկողմ առևտուր իրականացնելու արգելքների վերացմանը։
«Թուրքիա-Հայաստան հարաբերությունների կարգավորման գործընթացի շրջանակում, որը մենք իրականացնում ենք մեր նախագահի հանձնարարականներով, տարածաշրջանում երկարատև խաղաղություն և կայունություն հաստատելու ուղղությամբ ևս մեկ կարևոր քայլ է արվել։ Մաղթում եմ, որ սա օգտակար լինի երկու երկրների և մեր տարածաշրջանի բոլոր գործարարների և մարդկանց համար»,- գրել է նա X-ում։
Հիշեցնենք՝ Անկարան հայտարարել է ՀՀ-ի հետ ուղիղ առևտրային հարաբերությունների մեկնարկի նախապատրաստական աշխատանքների ավարտի մասին։
ՀՀ ԱԳՆ-ն ողջունել է Թուրքիայի կողմից առևտրի արգելքների վերացումը։
Նշենք նաև, որ Սերդար Քըլըչը մայիսի 5-6-ը Երևանում մասնակցել էր «Երևանյան երկխոսություն» դիվանագիտական ֆորումին, որի շրջանակում նրա կողմից արված հայտարարությունները Բաքվից քննադատության էին արժանացել։
Թարգմանությունը՝ Էմմա Չոբանյանի
