14.09.2026 | 15:51
Հաջիևը վիրավորեց հայ ազգին, իշխանությունն ասում է` չխոսենք, չսրենք. սա վախի նշան է. Գառնիկ Դավթյան․ ՏԵՍԱՆՅՈՒԹ
ՀՀ-ի հետ ուղիղ առևտրային հարաբերությունների մեկնարկի նախապատրաստական աշխատանքներն ավարտվել են. Թուրքիայի ԱԳՆ
Քաղաքականություն
13.05.2026 | 10:32
Թուրքիայի և Հայաստանի միջև ուղիղ առևտրի մեկնարկի վերաբերյալ հայտարարություն է տարածել թուրքական ԱԳՆ-ն։
«2022 թվականից ի վեր Հայաստանի հետ հարաբերությունների կարգավորման գործընթացի և վստահության ամրապնդման ձեռնարկված միջոցառումների շրջանակում մեր երկրի և Հայաստանի միջև ուղիղ առևտրի մեկնարկի նախապատրաստական աշխատանքներն ավարտվել են 2026 թվականի մայիսի 11-ի դրությամբ։ երկու երկրների միջև ընդհանուր սահմանի բացման համար անհրաժեշտ տեխնիկական և բյուրոկրատական աշխատանքները դեռևս շարունակվում են»,- X-ում գրել է Թուրքիայի ԱԳՆ խոսնակ Օնջյու Քեչելին։
Նոր կարգավորման շնորհիվ հնարավոր է դարձել Թուրքիայից երրորդ երկիր և այնուհետև Հայաստան գնացող կամ նույն երթուղով Հայաստանից եկող ապրանքների վերջնական նպատակակետը կամ ծագումը գրել որպես «Հայաստան/Թուրքիա»։
Հայտարարության մեջ ընդգծվում է, որ Հարավային Կովկասում «երկարատև խաղաղությունն ու բարգավաճումը ամրապնդելու պատմական հնարավորության լույսի ներքո՝ Թուրքիան կշարունակի նպաստել տարածաշրջանում տնտեսական հարաբերությունների զարգացմանը և համագործակցության հետագա առաջխաղացմանը՝ ի շահ տարածաշրջանի բոլոր երկրների և ժողովուրդների»։
Թարգմանությունը՝ Էմմա Չոբանյանի
