14.07.2026 | 14:05
Աբիսողոմոնյանն ու ՄԱԿ գլխավոր քարտուղարի տեղակալը քննարկել են COP17-ի նախապատրաստական աշխատանքները
Իսկական խաղաղությունը մեր ընտրվելուց հետո է լինելու. Արման Թաթոյան․ ՏԵՍԱՆՅՈՒԹ
Քաղաքականություն
09.05.2026 | 15:32
Պաշտոնական քարոզարշավի երկրորդ օրը «Միասնության թևեր» կուսակցությունը շարունակում է քաղաքացիների հետ հանդիպումը, այս անգամ ցուցակը գլխավորող Արման Թաթոյանը և նրա թիմն ու համակիրները Նոր Նորքում են։
Թաթոյանը քաղաքացիների հետ զրույցի ընթացքում ներկայացնում է իր նախընտրական ծրագիրն ու տեսլականը։
Հանդիպման սկզբում Արման Թաթոյանին էր մոտեցել տարեց մի կին, ում խոսքով իր որդիներն ու թոռները մասնակցել են Արցախյան պատերազմներին։ Զրույցի ընթացքում Թաթոյանը շեշտեց, որ իրենց նպատակը իրական և երաշխավորված անվտանգությունն է։
«Մենք պարտք ունենք ձեզ և ձեր տղաներին։ Իսկական խաղաղությունը լինելու է մեր ընտրվելուց հետո, երբ մենք հույսներս դնենք մեր սեփական ուժի վրա և չդառնանք ուրիշների շահերի զոհը»,- ասաց Թաթոյանը։
Ավելի ուշ մեկ այլ քաղաքացու Թաթոյանը ներկայացրեց իրենց սոցիալական բարեփոխումների փաթեթը։ Նա նշեց, որ իրենց ծրագրում նախատեսված է աշխատանքը կորցրած քաղաքացիների համար նախատեսվող 6-ամսյա աջակցություն, որը պետք է հավասար լինի նրանց միջին վաստակին․ «Պետության փիլիսոփայությունը պետք է փոխվի. ոչ թե մարդը պետք է ծառայի պետությանը, այլ պետությունը՝ մարդուն»։
Մանրամասները՝ տեսանյութում։
