14.03.2026 | 14:28
Հայտնի է Իսլամ Մախաչևի հաջորդ մրցակիցը UFC-ում
Աճող սպառնալիքներ և դրանց հակազդելու ոչ բավարար քայլեր եմ տեսնում․ Արթուր Բաղդասարյան
Քաղաքականություն
22.11.2018 | 16:11
«Օրինաց երկիր» կուսակցության նախագահ Արթուր Բաղդասարյանը հեղափոխությանը հաջորդած յոթ ամիսները բավարար չի համարում 30 տարվա ախոռները մաքրելու համար և վստահեցնում է, որ ժամանակն է երկրի զարգացման համար հստակ ծրագիր ներկայացնել: Այս մասին այսօր՝ նոյեմբերի 22-ին հրավիրված մամուլի ասուլիսում ասաց Բաղդասարյանը՝ նշելով, որ մտահոգված է երկրի ռազմավարական, սոցիալ-տնտեսական զարգացման ոլորտներում ծրագրերի բացակայությամբ։
«Կարծում եմ՝ այս ընտրությունների միջոցով երկրում անպայման պետք է ձևավորվի այնպիսի խորհրդարան, իշխանություն, որն ի վիճակի կլինի ազգի առջև ծառացած սոցիալ-տնտեսական հարցերը լուծել»,- ասաց ՕԵԿ առաջնորդը։
Նա նշեց, որ հեղափոխության գլխավոր նպատակը պետք է լինի նոր Հայաստանի զարգացման այնպիսի հնարավորության ստեղծումը, որ հեղափոխության արդյունքները ժողովրդի համար շոշափելի լինեն:
«Տեսնում եմ աճող սպառնալիքներ, աճող մարտահրավերներ և դրանց հակազդելու ոչ բավարար քայլեր ու գործողություններ: Վերջին տարիների ընթացքում բազմիցս քննադատել եմ նախաձեռնողական արտաքին քաղաքականության բացակայությունը, որը Հայաստանի համար առաջացրել է մարտահրավերներ: Այս մրցակցող տարածաշրջանում տեսնում ենք, որ Հայաստանի առջև լրջագույն նոր սպառնալիքներ ու մարտահրավերներ են առաջ գալիս, որին ի զորու է դիմակայել միայն ուժեղ և համախմբված քաղաքական թիմը»,- ասաց Արթուր Բաղդասարյանը:
