95 մանկապարտեզը հանձնել եք շահագործման, բայց «պադվալը» չեք մաքրել, «կանալիզացիան» լցվել ա․ Մանուկյան․ ՏԵՍԱՆՅՈՒԹ

95 մանկապարտեզը հանձնել եք շահագործման, բայց «պադվալը» չեք մաքրել, «կանալիզացիան» լցվել է։ Այս մասին Երևանի ավագանու հերթական նիստի ժամանակ ասաց «Մայր Հայաստան» խմբակցության ավագանու անդամ Մեսրոպ Մանուկյանը։

Մարությանի պնդմամբ՝ մանկապարտեզը հանձնվել է շահագործման խայտառակ վիճակում։ Նա նշեց, որ շենքի նկուղային հարկում կոյուղաջրեր են կուտակվել, որոնք այդպես էլ չեն մաքրվել։

«Պարոն Ավինյան, 95 մանկապարտեզը հանձնել եք շահագործման, եկեք գնանք մի հատ մտնենք «պադվալը» նայենք։ Կոյուղին լցվել է այնտեղ, չեք մաքրել, բայց երեխաներին ասում եք՝ գնացեք, մտեք այդտեղ։ Պահանջում եմ, որ գնաք ու տեսնեք այդ վիճակը»,- հայտարարեց Մանուկյանը։

Բացի մանկապարտեզի խնդրից, Մանուկյանը անդրադարձավ նաև վարչական շրջանի ղեկավարի տեղակալների գործունեությանը։ Նա քաղաքապետին ցուցադրեց լուսանկարներ՝ պնդելով, որ թաղապետարանի պաշտոնյաները, մասնավորապես՝ թաղապետի տեղակալը, աշխատանքային ժամերին զբաղված են քաղաքական «բեմադրություններով»։
«Թաղապետարանի աշխատողները աշխատանքային ժամին ի՞նչ գործ ունեին այնտեղ։ Հետո եկան «Լազոն», «Գազոն» ու «Կառլենը»։ Լազոն՝ թաղապետի տեղակալը, ով մի շաբաթ առաջ, երբ Նիկոլ Փաշինյանը գալիս էր Մալաթիա, ներկայանում էր որպես շարքային քաղաքացի, խնդրում էր «դոշի քարտեզից» ու ասում՝ «ուզում եմ գրկել ձեզ»։ Այս ի՞նչ ֆենոմենալ «կրուգ» ունեք»,- ասաց Մանուկյանը։

Ընդդիմադիր ավագանու անդամը նաև առաջարկեց գույքահարկի թանկացումից ստացված միջոցների մի մասն ուղղել բազմաբնակարան շենքերի կոյուղատար համակարգերի նորոգմանը։

Մանրամասները՝ տեսանյութում։