13.05.2026 | 14:01
Հակոբ Արշակյանը ACT քոլեջի ուսանողների հետ քննարկել է նորագույն տեխնոլոգիաների հնարավորությունները
Ադրբեջանում տարեսկզբից ոչ մարտական պայմաններում առնվազն 17 զինծառայող է զոհվել
Քաղաքականություն
06.05.2026 | 17:55
2026 թվականի սկզբից ի վեր Ադրբեջանում ոչ մարտական պայմաններում զոհվել է առնվազն 17 զինծառայող։ Այս մասին հաղորդում է Կասպիական ռազմական հետազոտությունների ինստիտուտը։
Հաստատության կողմից լրատվամիջոցների հրապարակումների հիման վրա անցկացված մոնիթորինգի համաձայն՝ այս տարեսկզբից մինչ օրս 3 զինծառայող մահացել է տարբեր հիվանդություններից, 2-ը՝ ինքնասպանության հետևանքով, 5-ը՝ ավտովթարի, 2-ը՝ վթարի, 1-ը՝ անզգուշության հետևանքով։ Եվս 4 զինծառայողի մահվան պատճառը չի բացահայտվել։
Մահացածներից 12-ը ՊՆ, 3-ը՝ Պետական սահմանապահ ծառայության, 1-ը՝ Արտակարգ իրավիճակների նախարարության և 1-ը՝ Զորահավաքի և զորակոչի պետական ծառայության աշխատակիցներ են եղել։ Նրանցից 3-ը զինվորներ են, 2-ը՝ սպաներ, 2-ը՝ ենթասպաներ, 2-ը՝ կուրսանտներ։ Մյուսների զինվորական կոչումը հնարավոր չի եղել որոշել։
Ինստիտուտը նաև նշում է, որ նախորդ տարվա նույն ժամանակահատվածի համեմատ՝ զոհերի թիվն աճել է․ 2025 թվականի սկզբից մինչև մայիսի 5-ն ընկած ժամանակահատվածում զոհվել է 13 զինծառայող, 2024 թվականի նույն ժամանակահատվածում՝ 11։
Ընդհանուր առմամբ, 2024 թվականին Ադրբեջանում ոչ մարտական պայմաններում մահացել է 51 զինծառայող, իսկ 2025 թվականին՝ առնվազն 43-ը։
Թարգմանությունը՝ Էմմա Չոբանյանի
