14.07.2026 | 20:30
«Հոգով հարուստ» մարդը․ դատարանը Գագիկ Բեգլարյանի գործով առաջին վճիռն է կայացրել․ ՏԵՍԱՆՅՈՒԹ
«100 հազարավոր քաղաքացիների կփրկենք չարիքի ճիրաններից». նոր սահմանափակումներ` կազինոների հետ կապված․ ՏԵՍԱՆՅՈՒԹ
Հասարակություն
06.05.2026 | 10:39
Այս նախագծով մենք արգելում ենք խաղալ օնլայն կազինոներում այն քաղաքացիներին, ովքեր՝ հանդիսանում են նպաստառու, հանդիսանում են թոշակառու և եկամտի միակ աղբյուրը կենսաթոշակն է, գտնվում են սնանկության վարույթում, օգտվում են պետական բյուջեի ֆինանսավորմամբ որևէ ծրագրից, օրինակ՝ եկամտահարկի հետվերադարձից։ Այս մասին ԱԺ-ում իր նախագծի ներկայացման ժամանակ հայտարարեց պատգամավոր Հայկ Սարգսյանը։
«Այս սահմանափակումներով մենք հարյուր հազարավոր քաղաքացիների փրկում ենք չարիքի ճիրաններից և կանխորոշված կործանումից։
Մեր մյուս քաղաքացիների համար, ովքեր չեն ընկնում այս սահմանափակումների տակ, սահմանում ենք խաղալու առավելագույն շեմ՝ եկամտի 20%-ի չափով։ Այսինքն, եթե քաղաքացին հայտարարագրում է մեկ միլիոն դրամ տարեկան եկամուտ, կարող է պարտվել առավելագույնը 200,000 դրամ։ Այսպես մենք կզսպենք, որպեսզի քաղաքացիներն ամբողջ եկամուտը չպարտվեն և չկործանվեն, քանի որ հեռախոսում կազինո ունենալով, մոլուցքով տարված մեր սիրելի հայրենակիցները հաճախ աշխատավարձի օրը պարտվում են այն ամբողջությամբ։
Եվ ամենակարևոր նորամուծությունը, որը առաջարկում եմ այս նախագծով, դա ինքնաարգելափակման կոճակն է։ Պարտադրում ենք օնլայն կազինոներին՝ իրենց կայքերում և հավելվածներում ունենալ ինքնաարգելափակման կոճակ, որին սեղմելով կկասեցվի անձի խաղալու իրավունքը միաժամանակ բոլոր հարթակներում՝ հինգ տարի ժամկետով, առանց վերաբացման հնարավորության»,- նշեց նա։
Մանրամասները՝ տեսանյութում։
