17.08.2026 | 09:45
Գյումրիում հորդառատ անձրևի հետևանքով ջրալցվել են նկուղներ և բակեր․ ԼՈՒՍԱՆԿԱՐՆԵՐ
Չեմպիոնների լիգա․ «Արսենալը» դուրս եկավ եզրափակիչ․ ՏԵՍԱՆՅՈՒԹ
06.05.2026 | 00:53
Լոնդոնի «Արսենալը» դարձավ ֆուտբոլի Չեմպիոնների լիգայի եզրափակիչի առաջին մասնակիցը։
Կիսաեզրափակիչի պատասխան խաղում Անգլիայի Պրեմիեր լիգայի առաջատարը սեփական խաղադաշտում նվազագույն հաշվով հաղթեց Մադրիդի «Աթլետիկոյին», որի դեմ առաջին հանդիպումն ավարտել էր 1։1 հաշվով։ Դաշտի տերերի հաղթական գոլը 44-րդ րոպեին խփեց անգլիացի կիսապաշտպան Բուկայո Սական (տեսանյութ)։
«Արսենալը» նախորդ անգամ Չեմպիոնների լիգայի եզրափակիչում խաղացել է 2006 թվականին, երբ տիտղոսը վիճարկել է կատալոնական «Բարսելոնայի» հետ ու պարտվել 1։2 հաշվով։
Եզրափակիչի մյուս ուղեգիրը մայիսի 6-ին կվիճարկեն Մյունխենի «Բավարիան» ու ֆրանսիական ՊՍԺ-ն։ Կիսաեզրափակիչի առաջին խաղում Չեմպիոնների լիգայի գործող գավաթակիր ՊՍԺ-ն տնային հաղթանակ է տարել 5։4 հաշվով։ Եզրափակիչը կայանալու է մայիսի 30-ին Հունգարիայի մայրաքաղաք Բուդապեշտում։
