12.05.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
Շենգավիթում կրակոցներ են հնչել, սպանության հատկանիշով վարույթ է նախաձեռնվել
Հասարակություն
05.05.2026 | 16:57
Կրակոցներ են հնչել Երևանի Շենգավիթ վարչական շրջանում, ինչի հետևանքով մեկ մարդ մահացել է։ Այս մասին հայտնում է shamshyan.com-ը։
ՆԳՆ ոստիկանությունից Factor.am-ին փոխանցեցին, որ ձեռնարկվում են միջոցառումներ դեպքի բոլոր հանգամանքները պարզելու և հանցագործությունը կատարած անձին հայտնաբերելու ուղղությամբ։
ՔԿ մամուլի խոսանակ Կիմա Ավդալյանն էլ տեղեկացրեց, որ դեպքի փաստով սպանության հատկանիշներով նախաձեռնվել է քրեական վարույթ (Քրեական օրենսգրքի 155-րդ հոդվածի 1-ին մաս)։
Նշեց՝ կատարվում է նախաքննություն։ Ըստ կայքի՝ դեպքի վայրում հայտնաբերվել են արնանանման հետքեր, ծխախոտ և այլ իրեր։ Դեպքի վայրում գտնվող անձինք նշել են, որ մահացածը մոտ 40 տարեկան է։
Անի Թամրազյան
