Քայլեր ձեռնարկու՞մ եք, որ հայտնի միջազգային բանկ գա ՀՀ․ Խաչատրյանը՝ Գալստյանին․ ՏԵՍԱՆՅՈՒԹ

Ազգային ժողովը քննարկում է Կենտրոնական բանկի նախագահի ընտրության հարցը: ԱԺ կանոնակարգ սահմանադրական օրենքի 145-րդ հոդվածի համաձայն՝ ԱԺ ֆինանսավարկային և բյուջետային հարցերի մշտական հանձնաժողովը ԿԲ նախագահի պաշտոնի համար ԱԺ-ին է առաջարկել «Քաղաքացիական պայմանագիր» խմբակցության կողմից առաջադրված Մարտին Գալստյանի թեկնածությունը:

«Հայաստան» խմբակցության պատգամավոր Արթուր Խաչատրյանի խոսքով՝ Հայաստանում բանկային համակարգը սկսեց զարգանալ, երբ առնվազն երկու խոշոր միջազգային բանկ ուղղակի կամ անուղղակի մտան հայաստանյան շուկա։

«Խոսքը գնում է HSBC-ի մասին և Credit Agricole-ի մասին։ Հիմա ո՛չ HSBC-ն կա, ո՛չ Credit Agricole-ը կա, ՎՏԲ-ն էլ գիտեք՝ սանկցիաների տակ է։ Ուզում եմ հասկանալ՝ Դուք որևէ քայլեր ձեռնարկո՞ւմ եք, որ հայտնի որևէ բանկային միջազգային բանկ Հայաստան գա»,- հարցրեց ընդդիմադիր պատգամավորը։

Մարտին Գալստյանն ընդգծեց, որ Հայաստանը ներկայացնում են միջազգային ներդրողներին, իսկ ՀՀ-ի լավագույն այցեքարտը, ըստ նրա, մակրոտնտեսական կայունությունն է։

«Ես մի քանի օր առաջ Լոնդոնում էի, որովհետև LHV Finance Group-ը, որի ակտիվներից մեկը՝ ամենամեծերից մեկը, դա Ամերիաբանկն է, մյուսը՝ Bank of Georgia-ն է, LHV Finance Group-ը ընդգրկվեց FTSE 100-ի մեջ չորս օր առաջ։ Այսինքն՝ մենք անընդհատ էդ ուղղությամբ աշխատում ենք ու ջանքերը ավելի ենք մեծացնելու»,- ասաց Գալստյանը։

ԿԲ նախագահը նշեց, որ Հայաստանի դրամով պետական պարտատոմսերի եկամտաբերությունն էապես նվազել է։

«Մենք հասել ենք նրան, որ պետական պարտքի մոտ 10%-ը պատկանում է միջազգային ինստիտուցիոնալ խաղացողներին։ Սա մեր քաղաքականության լավագույն գնահատականն է»,- ասաց նա։

Մանրամասները՝ տեսանյութում։