24.10.2026 | 15:17
Առաջիկա օրերին Երևանում և առանձին շրջաններում անձրև է սպասվում
Թրամփը սպառնում է մինչև 25%-ով բարձրացնել ԵՄ-ից ներմուծվող ավտոմեքենաների մաքսատուրքերը
Քաղաքականություն
01.05.2026 | 22:58
ԱՄՆ նախագահ Դոնալդ Թրամփը հայտարարել է, որ պատրաստվում է մինչև 25%-ով բարձրացնել Եվրամիությունից ներմուծվող ավտոմեքենաների և բեռնատարների մաքսատուրքերը։ Այս մասին փոխանցում է DW-ի ռուսական ծառայությունը։
Նրա խոսքով՝ ԵՄ-ն ամբողջությամբ չի պահպանում կողմերի միջև նախկինում ձեռք բերված առևտրային համաձայնագրի պայմանները։ Թրամփը նշել է, որ եթե իրավիճակը չփոխվի, ապա նոր մաքսատուրքերը կգործեն արդեն հաջորդ շաբաթից։
Հիշեցնենք, որ 2025 թվականին տեղի ունեցած առևտրային լարվածությունից հետո ԱՄՆ-ն և Եվրամիությունը համաձայնության էին եկել՝ ամերիկյան մաքսատուրքերը եվրոպական ավտոմեքենաների նկատմամբ նվազեցնելով մինչև 15%-ով։
Թրամփը նաև ընդգծել է, որ նոր սահմանափակումները չեն կիրառվի այն եվրոպական ավտոմեքենաների և բեռնատարների նկատմամբ, որոնք արտադրվում են ԱՄՆ-ում գործող գործարաններում։
Այս հայտարարությունը կարող է նոր լարվածություն առաջացնել ԱՄՆ-ԵՄ տնտեսական հարաբերություններում՝ հատկապես ավտոարդյունաբերության ոլորտում։
