02.07.2026 | 17:43
ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ
Նարեկ Կարապետյանը հորեղբոր հայտարարությունից մի ամիս առաջ աջակցություն էր խնդրել Կառավարությունից․ ՏԵՍԱՆՅՈՒԹ
Քաղաքականություն
01.05.2026 | 16:06
«Նարեկ Կարապետյանը՝ հորեղբոր քաղաքական հայտարարությունից մեկ ամիս առաջ իմ մոտ էր ու խնդրում էր հերթական աջակցությունը, որ 200 աշխատատեղ պահի»,- Երևանում անցկացվող մայիսմեկյան միջոցառումների ժամանակ այս մասին ասաց էկոնոմիկայի նախարար Գևորգ Պապոյանը՝ պատասխանելով լրագրողների հարցերին։
«Ես էդ մեխանիզմը ասեցի՝ ոնց պիտի աջակցենք։ Ասեցին՝ լավ, գնանք մտածենք, գնացին, երկու օրից հետո քաղաքական հայտարարություն արեցին։ Ու չեկան։ Թե չէ էլի կօգնեինք։ Հենց հիմա 60 միլիոն դրամի հաշիվ են գրել, մեր աջակցության ծրագրերից մեկից օգտվել են։ Ամեն օր զանգում փողն ուզում են, բայց բյուջեի վերաբաշխում պետք է անեինք։ Արեցինք, նոր կտանք էլի»,- ասաց Պապոյանը։
Նրա խոսքով՝ Կառավարությունը աջակցում է բոլոր այն գործարարներին, որոնք աշխատատեղեր են ստեղծում։
«Այսքան ժամանակ ամենաշատը աջակցել ենք հենց ընդդիմադիր գործարարներին։ Օրինակ՝ Նարեկ Կարապետյանի ընտանիքի բիզնեսներին 2018-ից հետո ազատել ենք ավելի քան 3.5 միլիարդ դրամի մաքսատուրքից»,- նշել է Պապոյանը՝ հավելելով, որ հենց նման արտոնությունների շնորհիվ է երկրում ստեղծվել շուրջ 288 հազար նոր աշխատատեղ։
Մանրամասները՝ տեսանյութում։
