30.04.2026 | 17:10
Մայր Աթոռը դատապարտել է Արցախի հայկական ժառանգության ոչնչացումն արդարացնելու փորձերը
ԱՄՆ փոխդեսպանը AmCham-ի ժողովում կարևորել է հայ-ամերիկյան տնտեսական կապերի խորացումն ու ներդրումային աճը
Տնտեսություն
30.04.2026 | 14:49
Հայաստանում ԱՄՆ փոխդեսպանի պաշտոնակատար Էնդրյու Ջոնսոնը Ամերիկայի առևտրային պալատի տարեկան ժողովում ընդգծել է հայ-ամերիկյան ամուր գործընկերությունը և AmCham-ի դերակատարությունը բիզնես կապերի ու ներդրումային հնարավորությունների առաջմղման գործում։ Նրա խոսքով՝ վերջին տարիներին նկատելի աճ է գրանցվել թե՛ երկկողմ առևտրաշրջանառության, թե՛ ներդրումային հոսքերի ուղղությամբ։
«Փոխդեսպանի պաշտոնակատար Էնդրյու Ջոնսոնը ողջույնի խոսքով հանդես եկավ Հայաստանում Ամերիկայի առևտրային պալատի (AmCham) տարեկան ժողովում՝ ընդգծելով հայ-ամերիկյան ամուր գործընկերությունը և AmCham-ի կարևոր դերակատարումը բիզնես կապերի ու ներդրման հնարավորությունների առաջ մղման հարցում։
Նա ընդգծեց օգոստոսի 8-ի Վաշինգտոնի խաղաղության գագաթնաժողովում ձեռք բերված շրջադարձային համաձայնությունները և դրանք առաջ մղելու ԱՄՆ հանձնառությունը՝ ընդլայնելու տնտեսական կապերն ու աջակցելու Հայաստանի աճին որպես տարածաշրջանային տեխնոլոգիական կենտրոն։
AmCham-ի առանցքային դերակատարումը հայաստանյան պաշտոնյաների, ԱՄՆ կառավարության ու մասնավոր ընկերությունների միջև կապերն ապահովելու առումով տալիս է իր արգասիքները, և դա է փաստում հայ-ամերիկյան առևտրաշրջանառության գրեթե կրկնակի աճը, որը 2020թ․ 96 միլիոն ԱՄՆ դոլարի համեմատ 2025թ․ կազմել է 198 միլիոն ԱՄՆ դոլար, ինչպես նաև երկկողմ ներդրումային հոսքերի աճը, որը 2026թ․ դրությամբ հասել է մինչև 1 միլիարդ ԱՄՆ դոլարի»,- ասված է հաղորդագրությունում։
