30.04.2026 | 12:41
Կարս-Գյումրի երկաթուղին կամրապնդի տարածաշրջանային կապը, օգուտներ կբերի ամբողջ Հարավային Կովկասին. ԵՄ
Խաբիբ Նուրմագոմեդովը հերքել է Արման Ծառուկյանի ասածը
30.04.2026 | 11:33
UFC-ի թեթև քաշային կարգի նախկին չեմպիոն Խաբիբ Նուրմագոմեդովը հերքել է հայ մարտիկ Արման Ծառուկյանի հայտարարությունը։ Ավելի վաղ Ծառուկյանը հայտարարել էր, որ Ռուսաստանի նախագահ Վլադիմիր Պուտինը Խաբիբ Նուրմագոմեդովին ֆինանսական օգնություն է ցուցաբերել Դաղստանում խառը մենամարտերի մարզադպրոց կառուցելու հարցում։
«Դա բացարձակապես ճիշտ չէ։ Ոչ ոք երբեք չի վճարել իմ հաշիվները կամ ինձ համար դահլիճներ չի կառուցել»,- սոցցանցերում գրել է լեգենդար մարտիկը։
Հիշեցնենք, որ Խաբիբի հոր՝ Աբդուլմանապ Նուրմագոմեդովի անվան մարզադպրոցը Մախաչկալայում բացվել է 2019 թ․ դեկտեմբերին։
Խաբիբ Նուրմագոմեդովը խառը մենամարտերում անցկացրել է 29 հանդիպում ու տարել նույնքան հաղթանակ։ Ռուսաստանցի մարտիկը կարիերան ավարտել է 2020 թվականին։
