02.07.2026 | 12:25
Դուք շուտով կստանաք լրացուցիչ 18 մլն եվրո՝ օգնելու բազմազանեցնել առևտուրը․ Ուրսուլա ֆոն դեր Լայեն․ ՏԵՍԱՆՅՈՒԹ
Հայաստանն ու Ադրբեջանը աշխարհի ամենառազմականացված երկրների շարքում են
Քաղաքականություն
27.04.2026 | 21:53
2025 թվականի արդյունքներով Հայաստանն ու Ադրբեջանը աշխարհում ամենաբարձր ռազմական բեռնվածություն ունեցող տասը երկրների շարքում են։ Այս մասին ասվում է Ստոկհոլմի խաղաղության միջազգային հետազոտությունների ինստիտուտի (SIPRI) զեկույցում։
Հարավային Կովկասի երկու երկրներում էլ ռազմական ծախսերի մասնաբաժինը համախառն ներքին արդյունքի (ՀՆԱ) նկատմամբ զգալիորեն գերազանցում է համաշխարհային միջին ցուցանիշը, որը 2025 թվականին կազմել է 2,5%։
Ռազմական ծախսերի ինտենսիվությամբ Ադրբեջանն աշխարհում զբաղեցնում է վեցերորդ տեղը։ Պաշտպանական ծախսերը կազմում են ՀՆԱ-ի 6,5%-ը։
Իսկ ահա Հայաստանը համաշխարհային ցանկում զբաղեցնում է 7-րդ տեղը՝ ՀՆԱ-ի 6,1% ցուցանիշով։
Ընդհանուր առմամբ, 2025 թվականին ամբողջ աշխարհում ռազմական ծրագրերի վրա ծախսվել է գրեթե 2,9 տրիլիոն դոլար, ինչը 2,9%-ով ավելի է նախորդ տարվա համեմատ: SIPRI-ի տվյալներով՝ այս ցուցանիշը կազմում է աշխարհի համախառն ներքին արդյունքի (ՀՆԱ) 2,5%-ը, ինչն ամենաբարձրն է 2009 թվականից ի վեր։
Թարգմանությունը՝ Էմմա Չոբանյանի
