28.09.2026 | 23:18
Հայաստանի մի շարք հասցեներում էլեկտրաէներգիայի անջատումներ կլինեն
Մբապեն ռեկորդներ է սահմանել «Ռեալում» ու Չեմպիոնների լիգայում, գերազանցել է Մեսիի ցուցանիշը
16.04.2026 | 19:31
Մադրիդի «Ռեալի» ֆրանսիացի հարձակվող Կիլիան Մբապեն, գոլի հեղինակ դառնալով Մյունխենի «Բավարիայի» դեմ Չեմպիոնների լիգայի քառորդ եզրափակիչի պատասխան խաղում (3։4), սահմանել է ռեկորդներ։
Մբապեն «Ռեալի» պատմության մեջ առաջին ֆուտբոլիստն է, որը 40 և ավելի գոլ է խփում մեկնարկային երկու մրցաշրջանում։ Անցյալ մրցաշրջանում նա դարձել էր 44 գոլի հեղինակ, իսկ այս խաղաշրջանում խփել է 40 գոլ, հաղորդում է Stats foot-ը։
Մբապեն նաև առաջին ֆուտբոլիստն է, որը Չեմպիոնների լիգայի մեկ մրցաշարում 10 գոլի հեղինակ է դառնում արտագնա խաղերում։
27-ամյա ֆրանսիացին Չեմպիոնների լիգայի ընթացիկ մրցաշրջանն ավարտեց 15 գոլով և գերազանցեց արգենտինացի հարձակվող Լիոնել Մեսիի՝ մեկ խաղաշրջանում խփած գոլերի քանակով ցուցանիշը։ Կատալոնական «Բարսելոնայի» նախկին ֆուտբոլիստին հաջողվել էր խփել 14 գոլ 2011-2012 մրցաշրջանում։ Այդ ցուցանիշով ռեկորդակիրը պորտուգալացի հարձակվող Կրիշտիանու Ռոնալդուն է, որը 2013-2014 մրցաշրջանում Չեմպիոնների լիգայում 17 գոլ է խփել «Ռեալի» կազմում։ 2015/2016 մրցաշրջանում էլ 41-ամյա Ռոնալդուն դարձել է 16 գոլի հեղինակ։
