16.04.2026 | 16:41
Ալիևն աշխատանքային այցով Թուրքիայում է
Իսրայելի վարչապետը զրույց կունենա Լիբանանի նախագահի հետ
Քաղաքականություն
16.04.2026 | 13:16
Իսրայելի վարչապետ Բենիամին Նեթանյահուն զրույց կունենա Լիբանանի նախագահ Ջոզեֆ Աունի հետ։ Այս մասին Իսրայելի բանակի ռադիոյին հայտնել է երկրի անվտանգության կաբինետի անդամ Գիլա Գամլիելը, գրում է France24-ը։
Առայժմ պարզ չէ, թե երբ է սպասվում այդ զրույցը։
Մինչ այս, լիբանանցի պաշտոնյան հայտարարել էր, որ Լիբանանի կառավարությունը «որևէ տեղեկություն» չունի Իսրայելի ղեկավարության հետ առաջիկա շփման մասին։
«Մենք տեղյակ չենք իսրայելական կողմի հետ որևէ պլանավորված շփման մասին, մեզ պաշտոնական խողովակներով չեն տեղեկացրել»,- ասել էր աղբյուրը։
ԱՄՆ նախագահ Դոնալդ Թրամփը հայտարարել էր, որ Իսրայելի և Լիբանանի առաջնորդներն ապրիլի 16-ին կզրուցեն։
«Փորձում ենք մի փոքր ազատ շնչելու տարածք թողնել Իսրայելի և Լիբանանի միջև։ Երկար ժամանակ է անցել, ինչ երկու առաջնորդները չեն խոսել, շուրջ 34 տարի։ Դա տեղի կունենա վաղը (ապրիլի 16-ին)։ Հիանալի է»,- չորեքշաբթի ուշ երեկոյան գրել էր Թրամփը Truth Social-ում։
Թարգմանությունը՝ Էմմա Չոբանյանի
