Մեզ ծայրահեղ անհրաժեշտ է երդվյալ ատենակալների ինստիտուտի ներդրումը․ Նիկոլ Փաշինյան․ ՏԵՍԱՆՅՈՒԹ

«Գործող Սահմանադրությունը ժողովրդի կողմից ընդունված չի, ցանկացած գործողություն ընկալվում է որպես անարդարություն։ Հայաստանի 3-րդ Հանրապետության պատմության մեջ երբեք քաղաքացիների 50 +1 %-ը չի քվեարկել Սահմանադրության օգտին»,- այս մասին Ազգային ժողովում հայտարարեց վարչապետ Նիկոլ Փաշինյանը։

Նրա խոսքով՝ պետության արդարության և արդարադատության համար շատ կարևոր է համարում, որ, ի վերջո, Հայաստանում լինի Սահմանադրություն, որը քաղաքացին կհամարի, կընդունի անհրաժեշտ թվով ձայներով, ազատ կամարտահայտմամբ։

«Ավելին, մեզ ծայրահեղ անհրաժեշտ է երդվյալ ատենակալների ինստիտուտի ներդրումը, որը առանց սահմանադրական փոփոխության հնարավոր չի։ Նախկինում ինչքան խոսել ենք երդվյալ ատենակալների մասին, ասում են՝ դե գիտեք ինչ, փոքր երկիր է, մեկը մյուսին ճանաչում է, բարեկամ, բայց չհասկացա՝ այդ ոնց է քննիչի համար փոքր երկիր չի, դատախազի համար փոքր երկիր չի, դատավորի համար փոքր երկիր չի, հենց բանը հասնում է քաղաքացուն, քաղաքացու համար երկիրը միանգամից փոքրանում է։

Ո՛չ, այսօր մենք արդարադատության ոլորտում ունենք լուրջ պրոբլեմներ, գործ ունենք շատ ոլորտներում մենք մաֆիայի դեմ ենք պայքարում, և այդ մաֆիան իր մետաստազները ունի բոլոր տեղերում, այդ մաֆիան իր մետաստազները ունի Ազգային Ժողովում, կառավարությունում, դատարաններում, դատախազությունում, քննչական մարմիններում, ոստիկանությունում, բոլոր, բոլոր, բոլոր տեղերում»,-ասաց նա։

Մանրամասները՝ տեսանյութում։