04.06.2026 | 17:09
Մենք վստահելի գործընկեր ենք, մենք չենք սպառնում, չենք ճնշում, այլ օգնում ենք․ Օլիվիե Դըկոտինյի․ ՏԵՍԱՆՅՈւԹ
Սամվել Կարապետյանը ոչ թե հաջորդ, այլ ներկա վարչապետն է․ հունիսի 7-ին պետք է արձանագրենք որպես փաստ․ Նաիրի Սարգսյան․ ՏԵՍԱՆՅՈւԹ
Քաղաքականություն
11.04.2026 | 18:32
Ազատության հրապարակում «Ուժեղ Հայաստան» կուսակցության հրավիրած հանրահավաքի ժամանակ ելույթ ունեցավ «Միավորված Հայաստան» կուսակցության պատվավոր նախագահ Նաիրի Սարգսյանը։ Նա հայտարարեց, որ ի տարբերություն իշխանությունների, իրենք առաջնորդվում են ոչ թե ատելությամբ ու չարությամբ, այլ արարմամբ, հստակ սպասումներով և վստահությամբ։ Ըստ Սարգսյանի՝ իրենց նպատակն անվտանգ, բարեկեցիկ և ուժեղ Հայաստան կառուցելն է, որտեղ անհատը պաշտպանված է։
Հանրահավաքում ելույթ ունեցավ նաև «Նոր դարաշրջան» կուսակցության նախագահ Հարություն Հարությունյանը՝ նշելով, որ երկիրը գտնվում է ճգնաժամային հանգրվանում։ Նրա խոսքով՝ առաջնահերթ և անհետաձգելի քայլը պետք է լինի իշխող վարչախմբի հեռացումը։
Հարությունյանը հավելեց, որ սա ոչ թե իշխանափոխության պահանջ է, այլ պետական մտածողության վերականգնման և ազգային արժանապատվության վերադարձի հրամայական։ Նա ընդգծեց իրավական պետություն կառուցելու կարևորությունը, որտեղ օրենքը ոչ թե իշխանության մահակն է, այլ քաղաքացու վահանը։ Արտաքին քաղաքականության համատեքստում նա նշեց, որ խաղաղությունը պարտադրվում է ուժով ու խելամիտ դիվանագիտությամբ, ոչ թե մուրացկանությամբ։
Եզրափակելով խոսքը՝ Հարությունյանը հայտարարեց, որ այդ ուժի մարմնավորումը «Ուժեղ Հայաստան» դաշինքն է՝ ապագա վարչապետ Սամվել Կարապետյանի առաջնորդությամբ։
Մանրամասները՝ տեսանյութում։
