05.06.2026 | 18:47
«Մարտի 1»-ի գործով մեղադրանք՝ ԱԱԾ նախկին տնօրեն Գորիկ Հակոբյանին և ևս 4 նախկին աշխատակցի
Իրանում մահապատժի է ենթարկվել հունվարյան բողոքի ցույցերին առնչություն ունեցած մի տղամարդ
Քաղաքականություն
02.04.2026 | 22:37
Իրանը մահապատժի է ենթարկել մի տղամարդու, որը դատապարտվել էր հունվարին տեղի ունեցած բողոքի ցույցերի ժամանակ ռազմական օբյեկտի վրա հարձակմանը մասնակցելու համար, գրում է CNN-ը։
«Տղամարդը փորձել է մտնել ռազմական կենտրոն և ոչնչացնել այն՝ այնտեղ գտնվող զենքը խլելու համար»,- հաղորդում է Tasnim-ը՝ հավելելով, որ Ամիրհոսեյն Հաթամի անունով տղամարդը կախաղան է բարձրացվել այսօր առավոտյան։
Իրանի պետական լրատվամիջոցների հաղորդագրությունները ենթադրում են, որ վերջին մեկ ամսվա ընթացքում իրականացվել է առնվազն 9 մահապատիժ: Այնուամենայնիվ, այս թիվը, հավանաբար, պահպանողական գնահատական է, քանի որ մահապատիժների մեծ մասը հրապարակայնորեն չի բացահայտվում, և թափանցիկությունը սահմանափակ է։
Այս դեպքերից մի քանիսը, կարծես, կապված են հունվարյան բողոքի ցույցերի կամ այլ անվտանգության մեղադրանքների հետ, և մարդու իրավունքների պաշտպանությամբ զբաղվող կազմակերպությունները զգուշացնում են, որ տասնյակ մարդիկ կարող են մահապատժի ենթարկվել։
Հաթամին այն ցուցարարների խմբի մեջ էր, որոնց մասին Amnesty International-ը այս շաբաթ հայտարարել էր, որ նրանք կարող են մահապատժի ենթարկվել»։
Թարգմանությունը`Էմմա Չոբանյանի
