06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Նոր կադրեր՝ եկեղեցու միջադեպից․ ինչպես է ՊՊԾ աշխատողը հարվածում 18-ամյա Դավիթ Մինասյանին. ՏԵՍԱՆՅՈՒԹ
Հասարակություն
01.04.2026 | 15:51
Սուրբ Աննա առաջնորդանիստ եկեղեցում մարտի 29-ին տեղի ունեցած միջադեպի հետ կապված համացանցում նոր տեսանյութ է տարածվում։ Տեսանյութում երևում է, թե ինչպես է մի տղամարդ ձեռքով հարվածում 18-ամյա Դավիթ Մինասյանին, որն այսօր կալանավորվեց 2 ամսով վարչապետ Նիկոլ Փաշինյանին հարվածելու փորձի գործով։
Հիշեցնենք՝ կիրակի Սուրբ Աննա եկեղեցում պատարագի ժամանակ, որին մասնակցում էր նաև վարչապետ Նիկոլ Փաշինյանը, միջադեպ էր տեղի ունեցել։ Այն պահին, երբ Փաշինյանի անվտանգության աշխատակիցները ճանապարհ էին բացում, որպեսզի նա դուրս գար, մի երիտասարդ նախ ընդդիմացավ, ապա փորձեց ձեռքով հարվածել վարչապետին։ Այդ երիտասարդը 18-ամյա Դավիթ Մինասյանն է, որին մեղադրանք է ներկայացվել խուլիգանության և պաշտոնատար անձի օրինական ծառայողական կամ քաղաքական գործունեությանը միջամտելու համար։ Միջադեպի մյուս մասնակիցները՝ Դավիթ Մինասյանի եղբայր Միքայել Մինասյանն ու Գևորգ Գևորգյանը երեկ ազատ են արձակվել։ Վերջինի նկատմամբ կիրառվել է 5 մլն դրամ գրավ ու բացակայելու արգելք, իսկ Միքայել Մինասյանի նկատմամբ՝ միայն բացակայելու արգելք։ Նա մեղադրվում է այդ գործողություններին աջակցելու համար, իսկ Գևորգյանն այդ ամենը կազմակերպելու համար։
ՔԿ-ից Factor TV-ին հայտնում են՝ նոր հայտնված տեսանյութի վերաբերյալ հաղորդում չեն ստացել։
Եվգենյա Համբարձումյան
