27.07.2026 | 22:59
Սևանա լճի մակարդակը հուլիսի 20-26-ը հունվարի 1-ի ցուցանիշից բարձր է 57 սմ-ով
Իրանի քաղաքացիներին արգելվում է մուտք գործել ԱՄԷ-ի տարածք. Emirates Airlines-ի հայտարարությունը
Քաղաքականություն
01.04.2026 | 14:16
Դուբայում գործող Emirates ավիաընկերության կայքում հրապարակված հայտարարության համաձայն՝ Իրանի քաղաքացիների մուտքը կամ տարանցիկ տեղաշարժը Միացյալ Արաբական Էմիրություններում արգելվում է, գրում է Reuters-ը։
Մեկ այլ ավիափոխադրողի՝ Flydubai-ի կայքում էլ նշվում է, որ ԱՄԷ-ի «Ոսկե վիզա» ունեցող Իրանի քաղաքացիներն ազատված են սահմանափակումներից, նրանց թույլատրվում է մուտք գործել երկիր և տարանցիկ տեղաշարժվել։
Այս սահմանափակումները կիրառվում են Իրանի և Պարսից ծոցի երկրների միջև լարվածության սրման ֆոնին։
Նշենք, որ փետրվարի 28-ից ի վեր Միացյալ Նահանգները և Իսրայելն ավիահարվածներ են հասցնում Իրանին, որի հետևանքով սպանվել են երրկրի գերագույն առաջնորդ այաթոլլահ Ալի Խամենեին և մի շարք բարձրաստիճան պաշտոնյաներ ու անվտանգության աշխատակիցներ։ Ի պատասխան՝ Իրանը հրթիռներով և անօդաչու թռչող սարքերով հարձակվում է Իսրայելի և Պարսից ծոցի երկրների վրա։ Իսլամական Հանրապետությունը պնդում է, որ արաբական երկրների վրա հարձակումների թիրախը տարածաշրջանում գտնվող ամերիկյան ռազմական բազաներն են։ Իրանը հարվածել է նաև Պարսից ծոցի մի քանի երկրներում գտնվող նավթի պահեստներին և նավթատար լցանավերին։
Թարգմանությունը՝ Էմմա Չոբանյանի
