10.06.2026 | 10:52
ԱՄՆ-ը հարվածներ է հասցրել Իրանին՝ ի պատասխան Apache ուղղաթիռի խոցման
Թաթարստանի գործարաններից մեկում հզոր պայթյուն է տեղի ունեցել․ զոհ և մի քանի տասնյակ վիրավոր կա
Քաղաքականություն
31.03.2026 | 16:59
Թաթարստանի «Նիժնեկամսկնեֆտեխիմ» գործարանի տարածքում հզոր պայթյուն է տեղի ունեցել։ Current time-ի հաղորդմամբ՝ Նիժնեկամսկի քաղաքապետ Ռադմիր Բելյաևը հայտնել է, որ «հրդեհը մարվում է»։ Հրդեհաշիջման աշխատանքներին չմասնակցող գործարանի աշխատակիցները տեղափոխվել են անվտանգ հեռավորության վրա։
«Հավատարմագրված լաբորատորիաների մասնագետները վերահսկում են օդի որակը. բնակիչների կամ շրջակա միջավայրի համար որևէ սպառնալիք չի հայտնաբերվել»,- գրել է նա։
СИБУР ընկերությունը, որին պատկանում է գործարանը, հաղորդում է, որ պայթյունը տեղի է ունեցել սարքավորումների անսարքության պատճառով։ Մեկ մարդ զոհվել է, ևս 50-ը՝ վիրավորվել։
«Նիժնեկամսկնեֆտեխիմ»-ը СИБУР-ի կազմում դուստր ձեռնարկություն է: Ընկերության կայքում նշված է, որ այն սինթետիկ կաուչուկների աշխարհի խոշորագույն արտադրողներից է և հոլդինգի Վոլգայի կլաստերի կարևորագույն ձեռնարկություններից մեկը:
Թարգմանությունը՝ Էմմա Չոբանյանի
