15.05.2026 | 21:30
Դեմ ենք ԵՏՄ-ից դուրս գալուն․ երկրի վիճակն այնպես կփոխվի, որ ռիսկերը կբերեն տնտեսության փլուզում․ Միքայել Մելքումյան. ՏԵՍԱՆՅՈՒԹ
Ուկրաինական ԱԹՍ-ն հարձակվել է Բելգորոդի մարզի կառավարական շենքի վրա. մեկ պաշտոնյա վիրավորվել է
Քաղաքականություն
31.03.2026 | 16:11
Ուկրաինայի զինված ուժերի անօդաչու թռչող սարքը հարձակվել է Բելգորոդի մարզային կառավարության շենքի վրա, հայտնել է շրջանի ղեկավար Վյաչեսլավ Գլադկովը։ Նրա տեղեկացմամբ՝ շենքի ճակատային մասը վնասվել է։ Հրապարակված լուսանկարներում երևում է կոտրված պատուհան, գրում է Meduza-ն։
Հարձակման հետևանքով վարչատնտեսական բաժնի ղեկավար Վյաչեսլավ Բեսկորովայնին բեկորային վնասվածքներ է ստացել ոտքերի, որովայնի և ձեռքի շրջանում։ Նա շտապօգնության մեքենայով տեղափոխվել է հիվանդանոց։
Ռուս-ուկրաինական լայնածավալ պատերազմի սկսվելուց ի վեր Բելգորոդի մարզը ենթարկվում է Ուկրաինայի զինված ուժերի անընդհատ հարձակումներին։ Ռուսական հրթիռներն ու անօդաչու թռչող սարքերը, իրենց հերթին, պարբերաբար հարձակվում են ուկրաինական քաղաքների վրա:
Ուկրաինական զինվորականները դեռևս որևէ մեկնաբանություն չեն տվել Բելգորոդում կառավարության շենքի վրա հարձակման վերաբերյալ:
Թարգմանությունը՝ Էմմա Չոբանյանի
