04.06.2026 | 22:58
Դուք Օսիպյանին ասել եք թռած, գիտեք` դասալիքների դեմ է պայքարել. Սիմոնյանը` Փաշինյանին. ՏԵՍԱՆՅՈՒԹ
Արման Ծառուկյանը կլինի Տոպուրիա – Գեյջի մենամարտի պահեստային մարտիկը
31.03.2026 | 10:48
UFC-ի թեթև քաշային կարգի դասակարգման երկրորդ համար Արման Ծառուկյանը հայտնել է, որ լինելու է Իլյա Տոպուրիա – Ջասթին Գեյջի չեմպիոնական մենամարտի պահեստային մատիկը։
«Այո, ես պահեստայինը կլինեմ այդ մենամարտում։ UFC-ն իմ հաջորդ մենամարտի մասին կհայտարարի Տոպուրիայի ու Գեյջիի հանդիպումից հետո։ Ամենայն հավանականությամբ, ես կկռվեմ նրանց դիմակայության հաղթողի հետ։ Կան ևս մի քանի տարբերակներ»,- Արիել Հելվանիի հետ հարցազրույցում ասել է Արման Ծառուկյանը։
Հիշեցնենք, որ UFC-ի թեթև քաշային կարգի գործող չեմպիոն Իլյա Տոպուրիան ու ժամանակավոր չեմպիոն, ամերիկացի Ջասթին Գեյջին հանդիպելու են հունիսի 14-ին Վաշինգտոնի Սպիտակ տանը կայանալիք մրցաշարում։
29-ամյա Ծառուկյանը UFC-ում նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
