27.07.2026 | 20:09
Հայ շախմատիստները մրցաշարի են մասնակցում Ղազախստանում
Էդուարդ Սպերցյանը հավակնում է ՌՊԼ-ի ամսվա լավագույն ֆուտբոլիստի մրցանակին
30.03.2026 | 16:44
Ռուսաստանի Պրեմիեր լիգան ներկայացրել է մարտի լավագույն ֆուտբոլիստի մրցանակի հավակնորդների ցուցակը։
Թեկնածուների թվում է նաև «Կրասնոդարի» կիսապաշտպան Էդուարդ Սպերցյանը։ Հայաստանի ազգային հավաքականի ավագն այս ամիս Ռուսաստանի առաջնությունում մասնակցել է 4 հանդիպման, դարձել 3 գոլի ու 2 գոլային փոխանցման հեղինակ։
Մրցանակին հավակնում են նաև Ջոն Կորդոբան («Կրասնոդար», 4 խաղ, 5 գոլ), Ալեքսանդր Սոբոլևը («Զենիթ», 4 խաղ, 3 գոլ, 1 ասիստ), Դմիտրի Վորոբյովը («Լոկոմոտիվ», 4 խաղ, 2 գոլ, 3 ասիստ), Մաքսիմ Սամորոդովը («Ախմատ», 4 խաղ, 2 գոլ, 2 ասիստ), Կոնստանտին Տյուկավինը («Դինամո», 4 խաղ, 2 գոլ, 2 ասիստ) և Էզեկյել Բարկոն («Սպարտակ», 4 խաղ, 1 գոլ, 3 ասիստ)։
Հաղթողը հայտնի կդառնա ՌՊԼ-ի լեգենդների, «Матч Премьер» հեռուստաալիքի փորձագետների ու երկրպագուների քվեարկության արդյունքում։
Ընթացիկ մրցաշրջանում 25-ամյա Սպերցյանը «Կրասնոդարի» կազմում անցկացրել է 31 հանդիպում, դարձել 12 գոլի ու 15 գոլային փոխանցման հեղինակ։
