27.07.2026 | 21:13
Նեթանյահուն հայտարարել է, որ Վաշինգտոնում իր օրակարգի գլխավոր առաջնահերթությունն Իրանն է
Թրամփը դիտարկում է «Իրանից ուրանի հանելու ռազմական գործողության» հնարավորությունը. WSJ
Քաղաքականություն
30.03.2026 | 13:56
ԱՄՆ նախագահ Դոնալդ Թրամփը քննարկում է Իրանից 1000 ֆունտ ուրան հանելու նպատակով ռազմական գործողություն ձեռնարկելու հնարավորությունը։ Այս մասին գրել է The Wall Street Journal-ը, փոխանցում է BBC-ն։
WSJ-ը, հղում անելով անանուն պաշտոնյաներին, գրում է, որ գործողության ընթացքում, «հավանաբար, ամերիկյան ուժերը կտեղակայվեն երկրի ներսում մի քանի օրով կամ ավելի երկար»։ Թրամփը դեռ7s որոշում չի կայացրել, բայց, «ընդհանուր առմամբ, բաց է մնում այդ գաղափարի համար, քանի որ դա կարող է օգնել իրագործել իր կենտրոնական նպատակը՝ կանխել Իրանի կողմից միջուկային զենքի ստեղծումը», ասել են աղբյուրները։
The New York Times-ը հաղորդում է, որ տարածաշրջանում տեղակայված զորքերը «կարող են օգտագործվել Սպահանի միջուկային օբյեկտում Իրանի բարձր հարստացված ուրանի դեմ ուղղված առաքելության համար», բայց դրանք կարող են նաև օգտագործվել Խարգ կղզին գրավելու կամ Հորմուզի նեղուցը պաշտպանելու համար։
Այս ամսվա սկզբին The New York Times-ը հաղորդել էր, որ Թրամփն «ակնհայտորեն քննարկում է» «ռումբի համար գրեթե պատրաստ միջուկային նյութը բռնագրավելու և ոչնչացնելու գործողությունը, որը, ենթադրաբար, մեծ մասամբ պահվում է Սպահանի լեռան խորքում»։
Թարգմանությունը՝ Էմմա Չոբանյանի
