29.03.2026 | 13:31
Վթարային ջրանջատում Լոռու մարզում
Արման Ծառուկյանը ռևանշ մենամարտում հաղթել է Ջորջիո Պուլասին․ ՏԵՍԱՆՅՈՒԹ
29.03.2026 | 10:15
UFC-ի թեթև քաշային կարգի դասակարգման երկրորդ համար Արման Ծառուկյանը RAF (Real American Wrestling) լիգայում ռևանշ մենամարտ է անցկացրել ամերիկացի ըմբիշ ու բլոգեր Ջորջիո Պուլասի հետ։
ԱՄՆ-ի Ֆլորիդա նահանգի Տամպա քաղաքում կայացած RAF 07 մրցաշարում հայ մարտիկը հաղթել է 9։3 հաշվով։ Մենամարտի վերջնամասում Ծառուկյանը կատարել է 4 միավորանոց հնարք ու տապալել մրցակցին։ Մարտիկներն ազատ ոճի ըմբշամարտի կանոններով մրցել են միջին քաշային կարգում (79 կգ)։
Հիշեցնենք, որ Արման Ծառուկյանը և Ջորջիո Պուլասը մարտի 1-ին ազատ ոճի ըմբշամարտի մենամարտ էին անցկացրել նաև RAF 06 մրցաշարում։ Հայ մարտիկը հաղթել էր 5։3 հաշվով, իսկ եզրափակիչ ազդանշանից անմիջապես հետո հարվածել էր հատակին հայտնված մրցակցին, ինչից հետո սկսվել էր զանգվածային բախում։
29-ամյա Ծառուկյանը RAF-ում առաջին մենամարտն անցկացրել էր հունվարի 10-ին՝ ժամկետից շուտ 10։0 հաշվով հաղթելով 38-ամյա ամերիկացի Լենս Փալմերին։ Հայաստանի ներկայացուցիչը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
