27.07.2026 | 21:59
Հայաստանի մի շարք հասցեներում էլեկտրաէներգիայի անջատումներ կլինեն
Արման Ծառուկյանը և Ջորջիո Պուլասը հայացքների մենամարտ են անցկացրել ռևանշից առաջ․ ՏԵՍԱՆՅՈՒԹ
28.03.2026 | 12:40
UFC-ի թեթև քաշային կարգի դասակարգման երկրորդ համար Արման Ծառուկյանը հանդիպել է իր առաջիկա մրցակցին՝ ամերիկացի ըմբիշ ու բլոգեր Ջորջիո Պուլասին, որի հետ անցկացնելու է ռևանշ մենամարտ։
ԱՄՆ-ի Ֆլորիդա նահանգի Տամպա քաղաքում կայացել է RAF (Real American Wrestling) լիգայի հերթական մրցաշարին նվիրված ասուլիսն ու հայացքների մենամարտերը։
Ծառուկյանի և Պուլասի հայացքների մենամարտն անցել է լարված պայքարում, բայց առանց լուրջ միջադեպերի։
Մարտիկներն ազատ ոճի ըմբշամարտի կանոններով կմրցեն մարտի 28-ին կայանալիք RAF 07 մրցաշարում։ Մենամարտը կկայանա միջին քաշային կարգում (79 կգ)։
Հիշեցնենք, որ Արման Ծառուկյանը և Ջորջիո Պուլասը մարտի 1-ին ազատ ոճի ըմբշամարտի մենամարտ էին անցկացրել նաև RAF 06 մրցաշարում։ Հայ մարտիկը հաղթել էր 5։3 հաշվով, իսկ եզրափակիչ ազդանշանից անմիջապես հետո հարվածել էր հատակին հայտնված մրցակցին, ինչից հետո սկսվել էր զանգվածային բախում։
29-ամյա Ծառուկյանը RAF-ում առաջին մենամարտն անցկացրել էր հունվարի 10-ին՝ ժամկետից շուտ 10։0 հաշվով հաղթելով 38-ամյա ամերիկացի Լենս Փալմերին։ Հայաստանի ներկայացուցիչը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
