15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
Ֆրանսիայի հավաքականը հաղթել է Բրազիլիային․ ՏԵՍԱՆՅՈՒԹ
27.03.2026 | 10:50
Ֆուտբոլի Բրազիլիայի և Ֆրանսիայի հավաքականներն ընկերական հանդիպում են անցկացրել ԱՄՆ-ում։ Դիդյե Դեշամի գլխավորած թիմը հաղթել է 2:1 հաշվով։
Հանդիպման հաշիվը Ֆրանսիայի հավաքականի կազմում 32-րդ րոպեին բացել է Մադրիդի «Ռեալի» հարձակվող Կիլիան Մբապեն։ 55-րդ րոպեին կարմիր քարտ է ստացել Մյունխենի «Բավարիայի» պաշտպան Դայո Ուպամեկանոն, սակայն դա ֆրանսիացիներին չի խանգարել կրկնապատկել առավելությունը։ 10 րոպե անց աչքի է ընկել անգլիական «Լիվերպուլի» հարձակվող Ուգո Էկիտիկեն։
Կառլո Անչելոտիի գլխավորած թիմի կազմում հաշիվը 78-րդ րոպեին կրճատել է Թուրինի «Յուվենտուսի» պաշտպան Բրեմերը։
Բրազիլիայի և Ֆրանսիայի հավաքականները պատմության մեջ հանդիպել են 17-րդ անգամ։ Այդ խաղերում ֆրանսիացիները տարել են 7 հաղթանակ, 6 անգամ հաղթել են բրազիլացիները, ևս 4 խաղ ավարտվել է ոչ-ոքի։
Բրազիլիայի և Ֆրանսիայի հավաքականները նախապատրաստվում են ԱՄՆ-ում, Մեքսիկայում ու Կանադայում կայանալիք աշխարհի առաջնությանը, որը մեկնարկելու է հունիսի 11-ին։
