16.07.2026 | 13:46
5 մլրդ դրամի պարգևավճար․ ինչպես է բաժանվել գումարը գերատեսչությունների միջև
Սամվել Մայրապետյանի գործի վերաբերյալ Արման Թաթոյանը պարզաբանումներ է պահանջել իրավապահներից
Հասարակություն
16.11.2018 | 16:22
Մարդու իրավունքների պաշտպան Արման Թաթոյանն այցելել է գործարար, բարերար, «Հայկական Երկրորդ» հեռուստաալիքի տնօրեն Սամվել Մայրապետյանին։
«Առանձնազրույց եմ ունեցել Սամվել Մայրապետյանի հետ, առանձնազրույցի արդյունքներով մեր կողմից գրավոր պարզաբանումներ եմ պահանջվել իրավապահ մարմիններից այն հարցադրումների առնչությամբ, որ բարձրացվում է», – այսօր լրագրողների հետ հանդիպման ժամանակ նշեց Թաթոյանը՝ շեշտելով, որ քննարկվել են նրա կալանքի հիմքերին և առողջական վիճակին առնչվող հարցեր։
«Բարձրացրել ենք հարց, որը վերաբերում էր Հ2-ի գործունեությանը, որովհետև, ըստ իս, Սամվել Մայրապետյանի գույքի վրա դրված կալանքը ուղղակիորեն ազդում է նաև լրատվամիջոցի գործունեության վրա», – ասաց Մարդու իրավունքների պաշտպանը և ընդգծեց, որ բարձրացվել է նաև տեսակցությունների արգելանքի հարցը, պարզաբանումներ է պահանջել այդ խնդրի վերաբերյալ իրավապահ մարմիններից, սակայն դեռ պատասխան չի ստացել։
Հիշեցնենք, որ մեզ հետ զրույցում Սամվել Մայրապետյանի պաշտպան Ալեքսանդր Սիրունյանը ևս նշել էր, որ Մայրապետյանը դեռևս չի կարողանում տեսակցել իր հարազատներին, քանի որ այդ արգելքը չի հանվել և պահպանվում է։
