27.07.2026 | 21:00
ՔՆՆԱՐԿՈւՄ․ Զբոսաշրջիկների ռեկորդային հոսք ՀՀ 6 ամսում․ ի՞նչ խնդիրներ և առավելություններ են ի հայտ եկել․ ՏԵՍԱՆՅՈՒԹ
Հայկական կողմից շինաշխատանքները սկսվելուց հետո կավարտվեն 5 տարվա ընթացքում. թուրք նախարարը, այսպես կոչված, «Զանգեզուրի միջանցքի» մասին
Քաղաքականություն
26.03.2026 | 16:11
Թուրքիայի տրանսպորտի և ենթակառուցվածքների նախարար Աբդուլքադիր Ուրալօղլուն կրկին, այսպես կոչված, «Զանգեզուրի միջանցք» եզրույթն է կիրառել Yeni Şafak-ի հետ զրույցում։
«Մենք սկսել ենք երկաթուղային ենթակառուցվածքների շինարարությունը Կարսից մինչև Նախիջևանի սահման հատվածում: Մենք լիովին կատարում ենք Զանգեզուրի միջանցքի իրականացման մեր պարտականությունը և վճռականորեն առաջ ենք շարժվում՝ Թուրքական պետությունների կազմակերպության աշխարհագրությամբ երկաթուղային անխափան ինտեգրումն ապահովելու համար: Այնուամենայնիվ, Զանգեզուրի միջանցքի հիմնական անցուղու գիծը, որն անցնում է Հայաստանի Մեղրիի շրջանով, մոտավորապես 42-43 կիլոմետր երկարություն ունի»,- նշում է նա:
Թուրք պաշտոնյան ընդգծել է՝ շինարարական աշխատանքները հայկական կողմում դեռևս չեն սկսվել, քանի որ ԱՄՆ-ի միջնորդությամբ Ադրբեջանի և Հայաստանի միջև բանակցային գործընթացը դեռևս չի ավարտվել։
«Նախիջևանում շուրջ 80 կիլոմետր երկարությամբ գործող գծի բարելավման և արդիականացման աշխատանքներն ավարտվել են, իսկ 15-20 կիլոմետր երկարությամբ նոր գծի կառուցումն ընթանում է ըստ նախատեսվածի։ Եթե շինարարական աշխատանքները սկսվեն Հայաստանի կողմից այս տարի, դրանք, ենթադրաբար, կավարտվեն 5 տարվա ընթացքում»,- ասել է նա։
Թարգմանությունը՝ Էմմա Չոբանյանի
