26.06.2026 | 13:12
Ալեն Սիմոնյանը ներողություն չի խնդրի Ռոբերտ Քոչարյանից. երկրորդ նախագահը պարտվել է դատարանում
Եթե ՀՅԴ-ն կարող է գրանցված լինել ՀՀ-ում և Արցախում, ապա ինչո՞ւ «Սասնա Ծռեր» կուսակցությունը դա չի կարող անել․ օրենքի խախտում չկա․ Ալեք Ենիգոմշյան․ ՏԵՍԱՆՅՈՒԹ
Քաղաքականություն
16.11.2018 | 15:06
«Սասնա Ծռեր» համահայկական կուսակցությունը վաղը՝ նոյեմբերի 17-ին, ավտոերթ է իրականացնելու դեպի Արցախ, որի նպատակն է ՀՀ-ին Արցախի դե յուրե միացումն ամրագրել որպես համահայկական օրակարգի գերակա հարց։
«Բացառվում է, որ 2015 թվականի հունվարի 30-ի այդ խայտառակությունը կրկնվի։ Մենք հավատում ենք, որ այս երթով Արցախի վրա դրված՝ նախկին իշխանությունը զավթած և Արցախում իրենց դրածոներն ունեցածների խարանը մաքրվելու է։ Մենք արժանանալու ենք Արցախի մեր քույրերի և եղբայրների ջերմ ողջույնին»,- այսօր հրավիրված մամուլի ասուլիսի ժամանակ ասաց «Հիմնադիր խորհրդարանի» անդամ Ալեք Ենիգոմշյանը։
Վերջինս նշեց, որ «Սասնա Ծռեր» կուսակցությունն այդ նպատակով պաշտոնապես գրանցվել է Արցախում, և դա որևէ հակադրություն չունի Արցախի Սահմանադրության և օրենքների հետ։
«Եթե ՀՅԴ-ն կարող է գրանցված լինել և՛ ՀՀ-ում, և՛ Արցախում, ապա ինչու՞ պետք է «Սասնա Ծռերի»՝ Արցախում գրանցված կուսակցության պարագայում ինչ-որ հակաօրինականության հարց առաջանա»,- ասաց Ալեք Ենիգամշյանն ի պատասխան այն դիտարկման, որ Վիտալի Բալասանյանն նշել է, թե «Սասնա Ծռեր» կուսակցություն Արցախում չի կարող գրանցվել, քանի որ դա Արցախի օրենքներով արգելվում է։
Մանրամասները՝ տեսանյութում։
