26.10.2026 | 18:01
Վենսուելայի ընդդիմության առաջնորդ Մաչադոն աքսորից հայրենիք է վերադարձել
Առուշ Առուշանյանին ազգի դավաճան էիք սարքել, ինչ ա՝ վարչապետի հետ Գորիսի փողոցներով էր շրջում․ Թունյան. ՏԵՍԱՆՅՈՒԹ
Քաղաքականություն
26.03.2026 | 12:55
«Ասեմ ինչ է փոխվելու մի քանի ամսից հետո, կամ նկարագրեմ այս դահլիճի պատկերը: Այնտեղ նստած է լինելու Նիկոլ Փաշինյանը՝ որպես վարչապետ, այնտեղ, երևի, ես եմ նստած լինելու, այստեղ իմ գործընկերները, դուք տանը հեռուստացույցով նայելու եք, որովհետև խիստ կասկածում եմ, որ դուք անգամ այն կողմում տեղ եք զբաղեցնելու»,- այս մասին իր ելույթում նշեց պատգամավոր Բաբկեն Թունյանը՝ անդրադառնալով Արմենուհի Կյուրեղյանի հայտարարություններին:
«Դուք շարունակեք, որովհետև ինչքան շարունակում եք, այնքան այդտեղում հայտնվելու շանսերն էլ եք քչացնում: Ժամանակը ցույց կտա: Ես ասում եմ՝ կարող եք այս խոսքերս մի տեղ այսպես ձեր պատին կպցնեք, հետո կհիշեք»,-նշեց նա:
Թունյանը անդրադարձավ նաև համայնքապետներին թիրախավորելու վերաբերյալ ընդդիմության քննադատությանը։
«Դուք առաջին օրը այս դահլիճ եք մտել Սյունիքի համայնքապետերի նկարները ձեր վրա հագած շապիկներով: Հետո այդ համայնքապետերին, գրեթե բոլորին, դուք ինքներդ ամենավատ ձևով թիրախավորել եք, ու վերջին մեր մարզային այցի ժամանակ էլ Առուշ Առուշանյանին ազգի դավաճան էիք սարքել, ինչ է թե մարդը՝ որպես համայնքի ղեկավար, որը սրտացավ է իր համայնքի համար, վարչապետի հետ դուրս էր եկել ու Գորիսի փողոցներով փորձում էր այդ աշխատանքները ցույց տալ»,-նշեց Թունյանը։
Մանրամասները՝ տեսանյութում։
