«Չուկ-չակ-չարակ-չակ» հեռացող գնացքը ձեզ է սպասում, պատասխան եք տալու․ Կյուրեղյանը՝ ՔՊ-ին․ ՏԵՍԱՆՅՈՒԹ

«Պատկերացնո՞ւմ եք, սիրելի հայրենակիցներ, ինչքա՜ն են վախեցած թուրք-ադրբեջանական տանդեմին տված խոստումների չկատարման պարագայում իրենց սպասվող պատժից, որ այլևս պատերազմով են վախեցնում»,- ԱԺ նիստում դիմելով ՔՊ-ին՝ նշեց «Հայաստան» խմբակցության պատգամավոր Արմենուհի Կյուրեղյանը։

«Ուշադրությո՛ւն. նրանք չեն ասում, որ իրենց ընտրության ժամանակ պատերազմ չի լինելու: Իսկ որ իրենց իշխանության ժամանակ երեք պատերազմ ենք ունեցել, դա ուղղակի անհերքելի փաստ է: Թե ձեր իշխանության գալու, մնալու համար այն ժամանակ այդ պատերազմներն էին անհրաժեշտ, թե պայմանավորվածություն ունեք՝ երբ սկսել պատերազմ, երբ խաղաղության իմիտացիա սարքել, հիմա էլ նրանք չեն ասում, թե էլ ինչ գիտակցված զոհողությունների են գնալու, եթե վերընտրվեն»,-նշեց նա:

Պատգամավորի խոսքով՝ ՔՊ-ականները չեն ասում, որ Սահմանադրությունը գրելու են Ադրբեջանի թելադրած տեքստով, մարզային բուհերը փակելով։

«Նրանք շատ արագ, հաշվի առնելով իրենց աճման տեմպերը, կդառնան վաղվա մեր երկրի քաղաքացիները և, ըստ Նիկոլիզմի 002 թեզի՝ մեր երկրի տերը: Նրանք չեն ասում, որ Ալիևը պահանջում է, որ այդ 300.000-ի անվտանգության ապահովման համար պետք է տեղակայվեն երրորդ երկրի ուժեր, ում վստահում է Ադրբեջանը, և դա իհարկե թուրքական կողմն է: Իսկ իրենք պատրաստ են այդ հրամանը կատարելու: Այս ամենի մասին դուք լռում եք:

Բայց իմացե՛ք. դուք չեք վերընտրվելու, պատերազմ էլ չի լինելու: Ինչպես հենց ձեր ղեկավարն ասաց մետրոյում՝ «Սա ձեր վերջին կանգառն է: Իջնելու եք»:

«Չուկ-չակ-չարակ-չակ» հեռացող գնացքը ձեզ է սպասում: Պատասխան եք տալու, ամեն մեկդ ձեր տեղում, ձեր չափով ու ձեր ժամանակին»,-ասաց Կյուրեղյանը։

Մանրամասները՝ տեսանյութում։