28.10.2026 | 13:33
«Ռուբեն թրեվըլ» տուրիստական գործակալությունից տպավորությունը չի փոխվում․ Էդգար Ղազարյանը՝ Ռուբինյանին․ ՏԵՍԱՆՅՈՒԹ
Ծափաթաղում 3-ամյա փոքրիկին սպանելու մեղադրանքով հայրը դատապարտվել է ցմահ ազատազրկման
Հասարակություն
25.03.2026 | 23:10
Ծափաթաղ գյուղում սպանված հայտնաբերված 3-ամյա Տիգրանի հայրը դատապարտվել է ցմահ ազատազրկման։ Այս մասին FactorTV-ին հայտնեցին Գեղարքունիքի մարզի ընդհանուր իրավասության դատարանից. Գեղարքունիքի մարզի ընդհանուր իրավասության առաջին ատյանի դատարանը՝ դատավոր Արտավազդ Կարապետյանի նախագահությամբ, վճռել է ցմահ ազատազրկման դատապարտել Արմեն Օվանեսովին։
Հիշեցնենք՝ 2025 թվականի հոկտեմբերի 27-ին հաղորդում էր ստացվել, որ Ծափաթաղ գյուղում կորել է 3-ամյա Տիգրան Օվանեսովը։ Փոքրիկն առողջական խնդիրներ ունեցող եղբոր հետ էր դուրս եկել խաղալու, ինչից որոշ ժամանակ հետո եղբայրը միայնակ էր տուն վերադարձել։ Եղբոր մասին հարցերին ի պատասխան միայն կոկորդը սեղմելու շարժումներ էր ցույց տվել։
Նոյեմբերի 2-ին հայտնաբերվել էր Տիգրանի մարմինը՝ տնից բավական հեռու՝ դաշտամիջյան հատվածում, որտեղ մինչ այդ փրկարարները որոնողական գործողություն արդեն իսկ իրականացրել էին։ Մեկ օր անց ՆԳ նախարար Արփինե Սարգսյանը լրագրողների հետ ճեպազրույցում հայտնել էր, որ նախնական տվյալներով երեխայի հայրը, խեղդամահ անելու ճանապարհով, սպանել է փոքրիկին։
Նույն օրը երեխայի հայրը ձերբակալվել, հաջորդ օրը կալանավորվել էր։ Տիգրանի 4 քույրերն ու եղբայրը տեղափոխվել էին ՀՕՖ-ի երեխաների աջակցության կենտրոն, ամիսներ անց՝ վերադարձվել ընտանիք։
Արմեն Օվանեսովին մեղադրանք էր առաջադրվել Քրեական օրենսգրքի 155-րդ հոդվածի 2-րդ մասի 3-րդ, 5-րդ և 9-րդ կետերով՝ անօգնական վիճակում գտնվողի, անչափահասի սպանությունը մերձավոր ազգականի կողմից:
Ռոզա Վարդանյան
