27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Գեյջիի մենեջեր․ Ջասթինը կարող էր գոտու համար մենամարտել Ծառուկյանի հետ, եթե Տոպուրիան հրաժարվեր
25.03.2026 | 17:07
UFC-ի ամերիկացի մարտիկ Ջասթին Գեյջիի մենեջեր Ալի Աբդուլ-Ազիզը մանրամասներ է հայտնել Սպիտակ տան մրցաշարի վերաբերյալ։ Հունիսի 15-ին կայանալիք մրցաշարում Գեյջին մենամարտելու է UFC-ի թեթև քաշային կարգում չեմպիոն Իլյա Տոպուրիայի հետ։ Ըստ Աբդուլ-Ազիզի՝ թեկնածուների թվում եղել է նաև UFC-ի թեթև քաշային կարգի դասակարգման երկրորդ համար Արման Ծառուկյանը։
«Շատ էին խոսակցություններն այն մասին, որ Տոպուրիան կարող է հեռանալ թեթև քաշային կարգից և UFC-ի գոտու համար մենամարտելու հնարավորություն կստանա Արման Ծառուկյանը։ Բայց երբ ես առաջարկ ստացա Ջասթին Գեյջիի մենամարի վերաբերյալ, մենք գործարքը կնքեցինք հինգ րոպեում։
Ինձ ասել են, որ եթե Տոպուրիան հրաժարվեր, Գեյջին Արման Ծառուկյանի հետ մենամարտելու էր բացարձակ չեմպիոնական գոտու համար։
Տոպուրիան հաճելի տղա է, թեև փորձում է նմանվել Քոնոր Մաքգրեգորին։ Ես ատում եմ Քոնորին, իսկ Իլիան դուր է գալիս ինձ»,- Ալի Աբդուլ-Ազիզի խոսքը մեջբերում է TMZ Sports-ը։
Հիշեցնենք, որ 29-ամյա Ծառուկյանը UFC-ում նախորդ մենամարտն անցկացրել է 2025թ․ նոյեմբերի 22-ին՝ խեղդող հնարքով հաղթելով նորզելանդացի Դեն Հուկերին։ Հայ մարտիկը խառը մենամարտերում մասնակցել է 26 հանդիպման, տարել 23 հաղթանակ ու կրել 3 պարտություն։
