Գրոսսին չի բացառում, որ այս շաբաթավերջին Իսլամաբադում ԱՄՆ-Իրան բանակցություններ կանցկացվեն

Լուրեր

22.11.2026 | 22:27
Սյունիքում մեքենաներ են արգելափակվել․ փրկարարներն օգնություն են ցուցաբերում
22.11.2026 | 21:17
Հայաստանի էներգահամակարգը հարևան մյուս երկու երկրների համակարգերին ինտեգրելը ՀԷՑ-ի հետ կապելը մանիպուլյացիա է․ Ռոմանոս Պետրոսյան
22.11.2026 | 21:01
Փակ և դժվարանցանելի ճանապարհներ Հայաստանում․ Փրկարար ծառայությունը տեղեկացնում է
22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
Բոլորը

ԱՄՆ-ի և Իրանի բանակցությունները կարող են տեղի ունենալ այս շաբաթավերջին Իսլամաբադում, Corriere della Sera-ին հայտարարել է Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսսին։

«Կարծում եմ՝ այս շաբաթավերջին կարող են բանակցություններ տեղի ունենալ Իսլամաբադում՝ Պակիստանում։ Կարծում եմ՝ դրանք ավելի լայն կլինեն և չեն վերաբերի միայն միջուկային էներգիային, որը հակամարտության պատճառն է։ Այս անգամ սեղանին կլինեն նաև հրթիռները, Իսլամական Հանրապետությանը դաշնակից աշխարհազորայինները և Իրանի անվտանգության երաշխիքները»։

Դիտարկմանը, որ Թրամփը հայտարարել է, թե իրանցիները համաձայնել են ձեռք չբերել միջուկային զենք, Գրոսին արձագանքել է․ «Ես այս զրույցին չեմ մասնակցել։ Բայց ինձ թվում է, որ արդեն իսկ կա փոխադարձ հասկացողություն այն մասին, թե որ հարցերը պետք է քննարկվեն»։

Ինչ վերաբերում է հարցին, որ Ժնևում երկու պատվիրակությունները, կարծես, մոտ էին համաձայնության, Գրոսսին ընդգծել է, որ ոչ։

«Իմ տպավորությունն այն էր, որ նրանք դեռ խոսում էին։ Օմանի արտաքին գործերի նախարարը հիանալի աշխատանք կատարեց միջնորդության հարցում։ Սակայն տեխնիկական մակարդակում մենք համաձայնության չէինք հասել այդ հինգշաբթի երեկոյան։ Հանդիպում էր նշանակված Վիեննայում»,- հավելել է նա։

Ըստ Գրոսսիի՝ ռմբակոծությունները լուրջ վնաս չեն հասցրել Իրանի միջուկային օբյեկտներին. «Որոշ վնասներ կան, բայց ոչ էական։ Այս անգամ թիրախը միջուկային օբյեկտը չէր, ինչպես դա եղավ 12-օրյա պատերազմի ժամանակ»։

Գրոսսին նշել է, որ հնարավոր է հասնել ժամանակավոր համաձայնագրի, նույնիսկ երկարատև, որը կերաշխավորի կայունություն և կանխատեսելիություն, սակայն անհրաժեշտ է դիվանագիտական ​​սեղան. լուծումը չի կարող լինել ռազմական։ Ռազմական ճնշումն ունի իր հետևանքները, բայց Իրանը դեռևս տիրապետում է բոլոր հնարավորություններին, ատոմային նյութը դեռևս այնտեղ է, հավելել է ՄԱԳԱՏԷ-ի ղեկավարը։

Հարցին՝ արդյո՞ք Սպահանի մոտ 400 կիլոգրամ ուրան կա, որը հարստացված է մինչև 60%, և այն շատ մոտ է ռումբի համար անհրաժեշտ 90%-ին, Գրոսսին պատասխանել է․ «Այո, բայց Նաթանզում նույնպես կա։ Իրանն է այն արտադրել՝ պնդելով, որ դա էներգիայի և տնտեսական զարգացման համար անհրաժեշտ նյութ է։ Սակայն 60%-ը գործնականում ռազմական նշանակության է։ Իրանցիներն ասում են, որ նրանք, ովքեր իրավունք ունեն դա անելու, կարող են դա անել, և դա չի կարելի հերքել, բայց դա մտահոգիչ զարգացում է։ Աշխարհի ոչ մի երկիր, որը չունի միջուկային զենք, չի հարստացնում ուրանն այդպիսի մակարդակի»։

Թարգմանությունը՝ Էմմա Չոբանյանի