13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Էրլինգ Հոլանդը 130 հազար դոլարով գնել է նորվեգական ամենաթանկ գիրքը․ ԼՈՒՍԱՆԿԱՐ
25.03.2026 | 14:17
Անգլիական «Մանչեսթեր Սիթիի» նորվեգացի հարձակվող Էրլինգ Հոլանդը գնել է նորվեգական ամենաթանկ գիրքը, հաղորդում է NRK-ն։
25-ամյա ֆուտբոլիստը և նրա հայր Ալֆ-Ինգե Հոլանդը 1,3 միլիոն նորվեգական կրոնով (շուրջ 130 հազար դոլար) ձեռք են բերել թագավորական սագաների հազվագյուտ հրատարակություն, որը լույս է տեսել 1594 թվականին։ Բնօրինակի հեղինակ է համարվում 13-րդ դարում ապրած սկալդ և արձակագիր Սնորի Ստուրլուսոնը։
Էրլինգ Հոլանդը գիրքը նվիրել է իր հայրենի Տիմե համայնքին՝ պայմանով, որ այն հասանելի լինի բոլոր ցանկացողների համար տեղական գրադարանում։ Գիրքը կպահվի անվտանգ պայմաններում և կցուցադրվի համապատասխան կերպով։
Նշվում է, որ Հոլանդների ընտանիքը գիրքը գնել էր դեռ դեկտեմբերին, սակայն մամուլի հաղորդագրությունը հրապարակվել է միայն հիմա։
