26.10.2026 | 18:01
Վենսուելայի ընդդիմության առաջնորդ Մաչադոն աքսորից հայրենիք է վերադարձել
Սալահը կհեռանա «Լիվերպուլից», Գրիզմանը՝ «Աթլետիկոյից». ՏԵՍԱՆՅՈՒԹ
25.03.2026 | 11:37
«Լիվերպուլի» եգիպտոսցի հարձակվող Մոհամեդ Սալահն այս մրցաշրջանի ավարտից հետո կհեռանա անգլիական ակումբից։ Այդ մասին 33-ամյա ֆուտբոլիստը հայտնել է սոցցանցերում հրապարակած հուզիչ տեսանյութում։
Սալահը 2017 թվականից է խաղում «Լիվերպուլում», որի կազմում անցկացրել է 435 հանդիպում, դարձել 255 գոլի հեղինակ ու դարձել Անգլիայի չեմպիոն, Չեմպիոնների լիգայի գավաթակիր և նվաճել նաև այլ տիտղոսներ։ Եվրոպայում հարձակվողը հանդես է եկել նաև շվեյցարական «Բազելում», անգլիական «Չելսիում», իտալական «Ֆիորենտինայում» ու «Ռոմայում»։
Մադրիդի «Աթլետիկոյի» ֆրանսիացի հարձակվող Անտուան Գրիզմանն այս մրցաշրջանի վերջում կմիանա MLS-ում հանդես եկող «Օռլանդո Սիթիին», հաղորդում է ամերիկյան ակումբի մամուլի ծառայությունը։
35-ամյա ֆուտբոլիստը մեկնել է ԱՄՆ, որտեղ «Օռլանդո Սիթին» անցկացրել է իր շնորհանդեսը։ Կողմերը կնքել են պայմանագիր, որն ուժի մեջ կլինի մինչև 2028 թ․ ավարտը և կունենա ևս մեկ տարով երկարաձգելու հնարավորություն։
Ֆրանսիայի հավաքականի կազմում 2018թ․ աշխարհի չեմպիոն Գրիզմանը 2021 թվականին է վերադարձել «Աթլետիկո»։ Կարիերայի ընթացքում հարձակվողը խաղացել է նաև իսպանական «Ռեալ Սոսիեդադում» ու «Բարսելոնայում»։
