24.04.2026 | 20:30
Թբիլիսիի Խոջիվանքի պանթեոնում ոգեկոչել են Հայոց ցեղասպանության զոհերի հիշատակը
Իրանը հայտարարում է, որ ԱՄՆ-ը «բանակցություններ է վարում ինքն իր հետ»
Քաղաքականություն
25.03.2026 | 12:40
Միացյալ Նահանգները բանակցություններ է վարում ինքն իր հետ։ Տեղական լրատվամիջոցների հաղորդմամբ՝ այս մասին հայտարարել է Իրանի ԶՈՒ խոսնակ Էբրահիմ Զոլֆաքարին՝ այն բանից մեկ օր անց, երբ ԱՄՆ նախագահ Դոնալդ Թրամփը հայտարարեց, որ Թեհրանը ցանկանում է գործարք կնքել Մերձավոր Արևելքում պատերազմը դադարեցնելու համար, գրում է Reuters-ը։
Վաշինգտոնը մշակել է հակամարտությունը դադարեցնելու 15 կետից բաղկացած ծրագիր և ուղարկել Թեհրան, Reuters-ին հայտնել է իրավիճակին ծանոթ աղբյուրը։
«Ձեր ներքին պայքարի մակարդակը հասել է այն մակարդակին, որ դուք ինքներդ ձեզ հետ եք բանակցում։ Մեզ նման մարդիկ երբեք չեն կարող լեզու գտնել ձեզ նման մարդկանց հետ»,- հայտարարել է Իրանի զինված ուժերի միասնական հրամանատարության՝ «Խաթամ ալ-Անբիա» կենտրոնական շտաբի խոսնակ Էբրահիմ Զոլֆաքարին։
Նրա խոսքով՝ ԱՄՆ ներդրումները և պատերազմից առաջ եղած էներգակիրների գները չեն վերականգնվի, քանի դեռ Վաշինգտոնը չի ընդունում, որ տարածաշրջանային կայունությունը երաշխավորված է Իրանի զինված ուժերի կողմից։
Թարգմանությունը՝ Էմմա Չոբանյանի
